'थर्टी फर्स्ट'च्या पार्श्वभूमीवर मुंबईत कोट्यवधींचे ड्रग्जनिर्मिती रसायन हस्तगत

मुंबई : तरुणाईला जाळ्यात अडकविण्यासाठी आणि ड्रग्ज बनवण्यासाठी परदेशात छुप्या मार्गाने पाठवण्यात येणाऱ्या रसायनांचा प्रचंड मोठा साठा मुंबई पोलिसांच्या अंमली पदार्थविरोधी पथकाच्या अधिकाऱ्यांनी जप्त केला आहे. हा साठा तब्बल १०० किलो असून याची याची किंमत आंतरराष्ट्रीय बाजारपेठेत जवळपास १००० कोटीच्या घरात असल्याचा अंदाज पोलिस सूत्रांनी प्रसार माध्यमांना दिला आहे.

अमेरिका सारख्या देशात बंदी असलेल्या आणि हजारो सामान्यांच्या मृत्यूचे कारण बनलेल्या पेन्टॅलिन या रसायनाची मुंबईतून प्रचंड प्रमाणात तस्करी होत असल्याची माहिती अंमली पदार्थविरोधी पथकाच्या अधिकाऱ्यांना त्यांच्या सूत्रांनी दिली होती मिळाली.

त्याच माहितीच्या आधारे अंमली पदार्थविरोधी पथकाच्या आझाद मैदान युनिटच्या अधिकाऱ्यांनी मुंबई अंधेरी येथे छापा टाकून सलीम डोला, चंद्रमणी तिवारी, संदीप तिवारी, घनःश्याम तिवारी या सर्व संशयितांना ताब्यात घेतले. सदर ठिकाणी मोठ्या प्रमाणावर पेन्टॅलिन हे रसायन सापडले.दरम्यान, अटक करण्यात आलेल्या आरोपींकडे या रसायनाचा साठा करण्याचा परवाना असल्याचा दावा करण्यात आला आहे. महानगर दंडाधिकारी न्यायालयाने या सर्व आरोपींना १ जानेवारी २०१९पर्यंत पोलिस कोठडी सुनावली आहे.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.