मुंबईतील महिलांसाठी आनंदाची बातमी | प. रेल्वेवर लेडीज स्पेशल ट्रेन सुरु होणार

मुंबई, २७ सप्टेंबर : कोरोनाच्या वाढत्या प्रादुर्भावामुळे मुंबईची लाईफ लाईन असलेली रेल्वे सेवा सर्वसामान्य प्रवाशांसाठी बंद आहे. त्यामुळे सामान्य जनतेचे प्रचंड हाल होतायत. रोडवरील ट्रॅफीक आणि बसच्या धक्काबुक्कीतून प्रवाशांना प्रवास करावा लागतोय. त्यामुळे ट्रेन लवकरात लवकर सुरु करावी अशी मागणी सर्व स्तरातून होतेय. दरम्यान मुंबईतील महिलांसाठी एक आनंदाची बातमी आहे.

पश्चिम रेल्वेवर लेडीज स्पेशल ट्रेन पुन्हा सुरु होणार आहे. लॉकडाऊन घोषित झाल्यापासून पहिल्यांदाच मुंबईत लेडीज स्पेशल ट्रेन धावणार आहे. विरारहून चर्चगेटसाठी सकाळी ७.३५ ची तर चर्चगेटहुन विरारसाठी संध्याकाळी ६.१० ची लेडीज स्पेशल ट्रेन धावणार आहे. या निर्णयामुळे महिला प्रवाशांना मोठा दिलासा मिळाला आहे.

पश्चिम रेल्वेवर सहा लोकलच्या फेऱ्यांमध्ये सोमवार पासून वाढ होणार आहे. ज्यात दोन फेऱ्या या लेडीज स्पेशल असणार आहेत. सध्या ५०० लोकलच्या फेऱ्या सुरू आहेत. त्या वाढून आता ५०६ फेऱ्या होणार आहेत. अत्यावश्यक सेवेतील आणि राज्य शासनाने मान्यता दिलेल्या कर्मचाऱ्यांनाच लोकलने सध्या प्रवास करता येतोय. आता लेडीज स्पेशल ट्रेनमुळे महिलांचा आनंद वाढलाय.

News English Summary: Indian Railway’s Western Railway zone has decided to further increase the number of special suburban services in Mumbai from Monday. At present 500 special suburban services are being operated by Western Railway for essential services staff. In order to maintain social distancing and to avoid overcrowding, Western Railway has decided to increase the number of daily special suburban services from 500 to 506, by adding six more services including two Ladies Special trains from 28 September

News English Title: After covide19 lockdown western railway run ladies special train Marathi News LIVE latest updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.