शिवसैनिक म्हणजे तुम्ही किंवा मुलगा पंतप्रधान बनणार आणि जॅकेट शिवायला टाकली खासदारांनी

मुंबई, १९ जून : शिवसेनेचा काल ५४वा वर्धापन दिन पार पडला. दरवर्षी अफाट उत्साहात आणि थाटात साजरा होणारा हा वर्धापन दिन काल कोरोना संकटाच्या पार्श्वभूमीवर अतिशय साध्या पद्धतीने साजरा करण्यात आला. महाराष्ट्राचे मुख्यमंत्री आणि शिवसेना पक्षप्रमुख उद्धव ठाकरे यांनी काल दुपारी साडेबारा वाजता व्हिडीओ कॉन्फरन्सिंगच्या माध्यमातून शिवसेना नेते, उपनेते, जिल्हाप्रमुख आणि अन्य पदाधिकाऱ्यांसह शिवसैनिकांशी संवाद साधला होता.

मी विचारधारा बदललेली नाही. मुख्यमंत्री झाल्यापासून आपल्यात थोडा संपर्क कमी झाला आहे. पण अंतर कमी झालेले नाही. आता गाव तिथं शाखा व घर तिथं शिवसैनिक कार्यक्रम राबवायचा आहे. स्वत:ची काळजी घेवून लोकांची मदत करा, किती संकटे आली तरी मी डगमगणार नाही. माझे स्वप्न नाही पंतप्रधान बनण्याचे, परंतु शिवसैनिकाला पंतप्रधान बनवण्याचे स्वप्न आहे असे सांगत मास्क तोंडावर आला असला तरी आपला आवाज कुणी दाबू शकत नाही. वादळामागूनी वादळं आली तरी शिवसेनाच एक वादळ आहे, असे प्रतिपादन शिवसेना पक्षप्रमुख आणि मुख्यमंत्री उद्धव ठाकरे यांनी केले.

दरम्यान, भाजप आमदार नितेश राणे यांनी आज पुन्हा एकदा ट्विट करत उद्धव ठाकरे यांच्यावर टीका केली आहे. ‘’मी काय बोलतो, शिवसैनिकाला पंतप्रधान बनवणार म्हणजे तुम्ही किंवा तुमचा मुलगाच पंतप्रधान बनणार ना? उगाच कालपासून सेनेच्या खासदारांनी जॅकेट शिवायला टाकली आहेत. वेड्यांची जत्रा !! असा टोला नितेश राणे यांनी लगावला आहे.

मी काय बोलतो..

शिवसैनिकाला पंतप्रधान बनवणार..

म्हणजे तुम्ही किंवा मुलगा ना?

उगाच काल पासुन सेनेच्या खासदारांनी जॅकेट शिवायला टाकली आहेत..

वेड्यांची जत्रा !!

— nitesh rane (@NiteshNRane) June 20, 2020

News English Summary: BJP MLA Nitesh Rane tweeted once again today criticizing Uddhav Thackeray. “What am I saying? Making Shiv Sainik the Prime Minister means you or your son will be the Prime Minister, right?” Sena MPs have been sewing jackets for a long time.

News English Title: After hearing that statement Shiv Sena MPs will took sewed the jacket BJP MLA Nitesh Rane News Latest Updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.