युवासेना जिल्हा प्रमुखाच्या कार्यक्रमात मराठी अभिनेत्रीसोबत अज्ञाताकडून गैरवर्तन; तक्रार दाखल

मुंबई: मराठी चित्रपट सृष्टीतील डान्सिंग क्वीन म्हणूनपरिचित असलेल्या अभिनेत्रीसोबत छेडछाड झाल्याचं संतापजनक वृत्त आहे. या प्रकरणी मुंबईतील साकीनाका पोलीस ठाण्यात या प्रकरणी गुन्हा दाखल करण्यात आल्याचं वृत्त आहे.

संबंधित मराठी अभिनेत्री गुरुवारी ५ फेब्रुवारी रोजी पुण्यातील शिरूर तालुक्‍यातील रांजणगाव इथं एका कार्यक्रमात नृत्य कलेचं सादरीकरण करण्यासाठी पोहोचली होती. युवासेनेच्या जिल्हा प्रमुखाच्या वाढदिवसाच्या निमित्ताने संबंधित कार्यक्रमाचे भव्य आयोजन करण्यात आले होते. दरम्यान, याच कार्यक्रमात परफॉर्मन्स करत असताना एका अज्ञात व्यक्तीने तिच्यासोबत संतापजनक गैरवर्तन केलं असल्याचं तिने आपल्या पोलिसांना दिलेल्या फिर्यादीत म्हटलं आहे. त्यानंतर साकीनाका पोलिसांनी या प्रकरणी तक्रार दाखल केली आहे. त्यानंतर या प्रकरणाचा पुढील तपास रांजणगाव पोलिसांकडे वर्ग करण्यात येणार आहे अशी माहिती पुढे आहे. ती मराठी अभिनेत्री मानसी नाईक असून युवासेनेच्या कार्यक्रमात एका अज्ञात व्यक्तीने तिच्याशी गैरकृत्य केलं. त्याने मंचाजवळ जाऊन मानसीला धमकवण्याचा प्रयत्न देखील केला, असा आरोप मानसीकडून तक्रारीत करण्यात आला आहे.

दरम्यान, काही दिवसांपूर्वी शिवसेनेच्या पदाधिकाऱ्याने प्रचाराला बोलावले आणि असभ्य वर्तन केल्याचं सांगत मराठी अभिनेत्री भाग्यश्री मोटे’ने शिवसेनेचे राजुरा विधानसभा संपर्क प्रमुख मिथुन खोपडे यांच्यावर गंभीर आरोप केले होते.

Web Title:  Birthday Party abusiveness Marathi actress at Pune shirur and complaint logged at Mumbai Sakinaka Police Station.