फेक TRP | वाद दोन वृत्तवाहिन्यांमधील | भाजपाची प्रवक्तेगिरी अर्नब गोस्वामीसाठी

मुंबई, ९ ऑक्टोबर : अधिकाधिक जाहिराती पदरी पाडून घेण्यासाठी कृत्रिमरीत्या ‘टीआरपी’(टेलिव्हीजन रेटिंग पॉइंट) वाढवणाऱ्या वाहिन्यांचं बिंग फोडल्याचा दावा गुरुवारी मुंबई पोलीस आयुक्त परमबीर सिंग यांनी केला. हा आर्थिक घोटाळा असून त्यात ‘रिपब्लिक’ या वृत्तवाहिनीसह ‘फक्त मराठी’, ‘बॉक्स सिनेमा’ आदी वाहिन्यांचा सहभाग पुढे आल्याचंही त्यांनी स्पष्ट केलं होतं.

त्यानंतर समोर आलेल्या एफआयआरमध्ये मात्र रिपब्लिक या वाहिनीऐवजी इंडिया टुडेचं नाव असल्याचं दिसलं होतं. त्यानंतर या घोटाळ्यात या दोन्ही वाहिन्यांपैकी कोणाचं नाव आहे असा सवाल विचारला जात होता. दरम्यान, यावर मुंबई पोलीस सहआयुक्त मिलिंद भारांबे यांनी स्पष्टीकरण दिलं आहे. “एफआयआरमध्ये इंडिया टुडेचं नाव होतं. परंतु आरोपी किंवा कोणत्याही साक्षीदारानं याची पुष्टी केली नाही,” असं भारांबे म्हणाले.

“एफआयआरमध्ये इंडिया टुडेच्या नावाचा उल्लेख करण्यात आला होता. परंतु कोणत्याही आरोपीनं अथवा साक्षीदारानं याची पुष्टी केली नाही. याव्यतिरिक्त आरोपींनी विशेषत: रिपब्लिक टीव्ही, फक्त मराठी आणि बॉक्स सिनेमा या वाहिन्यांची नावं घेतली. या प्रकरणी तपास सुरू आहे,” असं भारांबे म्हणाले.

तर दुसरीकडे पोलीस आयुक्त परमबीर सिंग यांनी रिपब्लिक टीव्हीचं नाव घेतल्यानंतर अर्णब गोस्वामी यांनीदेखील प्रतिक्रिया दिली होती. “सुशांतसिंह राजपूतप्रकरणी मुंबई पोलिसांनी केलेल्या संशयास्पद तपासाबाबत अनेक प्रश्न उपस्थित केल्याने पोलीस आयुक्त परमबीर सिंग रिपब्लिक वाहिनीविरोधात बिनबुडाचे आरोप करत आहेत. बीएआरसीने एकाही तक्रारीत रिपब्लिक वाहिनीचा उल्लेख केलेला नाही. त्यामुळे आयुक्त सिंग यांचेच पितळ उघडे पडले. या कृतीबद्दल रिपब्लिक टीव्ही वाहिनी सिंग यांच्याविरोधात अब्रुनुकसानीचा दावा दाखल करेल.” असं अर्णब गोस्वामी म्हणाले.

Fake TRP | इंडिया टुडे आणि Republic TV वृत्त वाहिन्यांचे एकमेकांवर आरोप pic.twitter.com/qO2ysoh9Wo

— महाराष्ट्रनामा न्यूज (@MahaNewsConnect) October 9, 2020

आता, भाजपा नेते कपिल मिश्रा यांनीही FIR मध्ये रिपल्बिक टीव्हीचे नाव नसून इंडिया टुडेचं नाव असल्याचे आपल्या ट्विटर अकाऊंटवरुन सांगितलं आहे. तसेच, मिश्रा यांनी FIR चे पेजेसही ट्विटरवरुन शेअर केले आहेत. त्यामध्ये, इंडिया टुडे या वृत्तवाहिनीचे नाव दिसत आहे. त्यास, अंडरलाईन करुन दर्शविण्यात आले आहे.

रिपब्लिक के खिलाफ साजिश, हमला, झूठे मुकदमे, कमिश्नर द्वारा नेताओं जैसी बयानबाजी शर्मनाक

कांग्रेस और कांग्रेसी चमचें बौखलाए हुए हैं

FIR में रिपब्लिक नहीं India Today का नाम हैं pic.twitter.com/VE72Z6WFOz

— Kapil Mishra (@KapilMishra_IND) October 8, 2020

News English Summary: Broadcast Audience Research Council (BARC), the body that gives rating points to TV channels in India, had earlier suspected Republic TV and India Today of manipulating the system. Hansa Research, the company that installed these rating boxes called barometers on behalf of BARC, had filed a case with the Mumbai Police saying some of Hansa Research’s former employees had leaked or sold the data of the households where these barometers were installed. The data about these households are closely guarded and supposed to be top secret.

News English Title: BJP leader shares India Today not Republic in FIR photo about fake TRP case Marathi News LIVE latest updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.