कोरोनाला धर्म, उत्सव, सण समजत नाही | पण राम कदमांकडून पुन्हा धार्मिक ट्विट

मुंबई, २८ मार्च: कोरोनाचा संसर्ग देशभरात वाढत आहे आणि राज्यात त्याची सर्वाधिक झळ लागत असल्याचं पाहायला मिळतंय. पहिल्या लाटेपासून ते आता दुसऱ्या लाटेपर्यंत लाखो लोकांनी स्वतःचे प्राण गमावले आहेत. विशेष म्हणजे देशात मंत्री, खासदार, आमदार आणि नगरसेवकांनी देखील कोरोनामुळे प्राण गमावले आहेत. राज्यात देखील सत्ताधारी नेत्यांपासून विरोधकांमधील वरिष्ठ नेत्यांना देखील कोरोनाची लागण झाली आहे.

पुन्हा शेकडो लोकं मृत्युमुखी पडण्यास सुरुवात झाल्याने काही स्मशान भूमीत अंत्यविधी करण्यासाठी देखील वेटिंग राहावं लागत आहे हे देखील समोर आलं आहे. कोरोनाचा जाती धर्माशी कोणताही संबंध नसताना त्याच्या कचाट्यात कोणीही येऊ शकतो हे वैज्ञानिक तज्ज्ञांनी स्पष्ट केलेलं असताना देखील काही राजकीय नेते याचा संबंध थेट धर्माशी जोडत असल्याचं पाहायला मिळतंय.

दुसऱ्या लाटेमुळे यंदाही अन्य सणांप्रमाणे होळी आणि धुलीवंदनाच्या सणावर कोरोनाचे सावट आहे. राज्यातील कोरोनाबाधितांचा आकडा पुन्हा मोठ्या प्रमाणात वाढू लागल्याने राज्य सरकारकडून काही कडक निर्बंध लावण्यात आले आहेत. याच पार्श्वभूमीवर, राज्य सरकारकडून आजचा (२८मार्च) होळी आणि धूलिवंदनाचा (२९ मार्च) सण सार्वजनिकरीत्या साजरा करण्यास मनाई केली आहे. मुख्यमंत्री उद्धव ठाकरे यांनी राज्यातील जनतेला शुभेच्छा देतानाच खबरदारीचे आवाहनही केले आहे.

मुख्यमंत्री उद्धव ठाकरे राज्यातील जनतेला उद्देशून म्हणतात की, ‘परस्परांची आणि पर्यावरणाची काळजी घेत येणारे होळी, धुलिवंदन आणि रंगपंचमी हे सण साधेपणाने साजरे करावेत. सण-उत्सवाचा आनंद हा परस्परांविषयी, निसर्गाविषयी आदर वाढवण्यासाठी असतो. पुढे मुख्यमंत्री उद्धव ठाकरे यांनी राज्यातील नागरिकांना “या सणांकडून प्रेरणा घेऊन कोरोना विषाणूला रोखण्याच्या नियमांचे काटेकोर पालन करूया” असे आवाहन करत राज्यातील जनतेला होळी, धुळवडीच्या हार्दिक शुभेच्छा दिल्या आहेत.

मात्र भाजपचे आमदार राम कदम यांनी रविवारी ट्विट करत राज्य सरकारवर चांगलीच आगपाखड केली. धुलिवंदनाच्यावेळी गर्दी होते, एकमेकांना रंग लावताना स्पर्श होतो. त्यामुळे धुलिवंदनावर घालण्यात आलेले निर्बंध मी समजू शकतो. पण होळी सार्वजनिक ठिकाणी म्हणजे घराबाहेर पेटवू शकत नाही, असे ठाकरे सरकार म्हणते. मग आम्ही घरामध्ये होळी पेटवायची का? ठाकरे सरकारची अक्कल कुठे गेली आहे, असा सवालही राम कदम यांनी विचारला.

हिंदू विरोधी #ठाकरेसरकार म्हणतेय #होळी घराच्या दारा समोर पेटवायची नाही.

तर मग काय घरात पेटवायची ?

लोक #रंगपंचमी समजू शकतात गर्दी होईल. एकमेकांना स्पर्श होईल मात्र नियमांचे पालन करत #होळी पेटवली .आणी

हिंदू बांधवांनी आपला सण साजरा केला तर त्याला ठाकरे सरकारचा विरोध का? pic.twitter.com/1mq7PVv1kN

— Ram Kadam – राम कदम (@ramkadam) March 28, 2021

News English Summary: BJP MLA Ram Kadam tweeted on Sunday that the state government was on fire. There is a crowd during Dhulivandana, touching each other while colouring. So I can understand the restrictions imposed on Dhulivandana. But the Holi government says Holi cannot be lit in public places outside the house. So should we light Holi at home? Ram Kadam also asked where the wisdom of Thackeray government has gone.

News English Title: BJP MLA Ram Kadam connect corona crisis restrictions with Hindu religion news updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.