लहान आहेस, तोंड सांभाळून बोल, नाहीतर तोंड बंद करण्याचा उपाय आमच्याकडे आहे - नारायण राणे

मुंबई, ४ ऑगस्ट: अभिनेता सुशांत सिंह राजपूत आत्महत्या प्रकरण देशभरात चर्चेचा विषय ठरलं आहे. मागील काही दिवसांपासून या घटनेच्या तपासावरून आरोप होताना दिसत आहे. सुशांत सिंह प्रकरणात राज्याचे माजी मुख्यमंत्री नारायण राणे खळबळजनक गौप्यस्फोट केला आहे. सुशांत सिंहच्या पूर्वीची असिस्टंट मॅनेजर दिशा सालियन हिने आत्महत्या केलेली नाही, तर तिची बलात्कार करून हत्या करण्यात आली आहे,” असा दावा नारायण राणे यांनी केला आहे.

दरम्यान “युवासेनेचे सरचिटणीस वरुण सरदेसाई यांनी विरोधी पक्षनेते देवेंद्र फडणवीस यांच्या पत्नी अमृता फडणवीसांवर टीका केली होती. त्यांनी ज्या शब्दात टीका केली त्यावर मी त्यांना एवढंच सांगेल की, तू लहान आहेस. तोंड बंद करण्याचा उपाय आमच्याकडे आहे. त्यामुळे तोंड सांभाळून बोल”, असा इशारा भाजप नेते नारायण राणे यांनी दिला. नारायण राणे यांनी आज (4 ऑगस्ट) पत्रकार परिषद घेऊन सध्याच्या राजकीय घडामोडींवर भाष्य केलं. यावेळी त्यांनी शिवसेना आणि राज्य सरकारवर सडकून टीका केली.

“शिवसेनेचा अन्याय पाहून सगळे गेलेत. शिवसेनेत आता नवे केलेक्टर ऑफिसर आले आहेत. त्यांच्या कुंडल्या आम्हाला माहिती आहेत. ते कुठे जातात, काय करतात, कुणाशी बोलतात, कुणाशी तडजोड करतात, ते सर्व आम्हाला माहिती आहे. त्यामुळे त्यांनी तोंड बंद करावं. वरुण सरदेसाई यांनी अमृता फडणवीसांवर ज्या शब्दात टीका केली, त्याबद्दल त्यांनी माफी मागावी”, असं नारायण राणे यांनी आवाहन केलं.

News English Summary: Yuva Sena general secretary Varun Sardesai had criticized Amrita Fadnavis, wife of opposition leader Devendra Fadnavis. All I can say to them is that you are small. We have a way to keep our mouths shut. So keep your mouth shut, ”warned BJP leader Narayan Rane.

News English Title: BJP MP Narayan Rane slams Yuvasena leader Varun Sardesai on Amruta Fadnavis criticize News Latest Updates.