मुंबई महापालिका निवडणूक | भाजपचं थेट दिल्लीहून मुंबईवर लक्ष - चंद्रकांत पाटील

मुंबई, ०१ जानेवारी : राज्यातील सर्वात मोठा अर्थसंकल्प असलेल्या मुंबई महापालिकेबाबत भारतीय जनता पक्ष अत्यंत सतर्क झाल्याचं पाहायला मिळत आहे. यापूर्वीच भारतीय जनता पक्षाच्या नेत्यांनी आगामी निवडणुकीत शिवसेनेची सत्ता जाऊन भाजपचा महापौर बसणार असल्याचं वक्तव्य केलं आहे. मुंबईतील गुजराती आणि उत्तर भारतीय मतदारच भाजपचा प्रमुख मतदार असेल असं म्हटलं जातंय.

आगामी मुंबई महापालिका निवडणुकीत संपूर्ण देशातील भारतीय जनता पक्षाचे नेते उतरण्याची शक्यता वर्तविण्यात आली आहे. विशेष म्हणजे पंतप्रधान नरेंद्र मोदी आणि अमित शहा यांच्या देखील सभा आयोजित केल्या जातील असं खात्रीलायक वृत्त भाजपच्या गोटातून आहे. मात्र चंद्रकांत पाटील यांच्या वक्तव्यातून त्याला दुजोरा मिळत आहे.

राज्यातील अन्य निवडणुकांप्रमाणेच, मुंबई महापालिका हे भारतीय जनता पक्षाचं नव्या वर्षातलं लक्ष्य आहे. यावेळी थेट दिल्लीहून मुंबईवर लक्ष दिलं जाईल,’ असं सांगत, भारतीय जनता पक्षाचे प्रदेशाध्यक्ष चंद्रकांत पाटील यांनी नव्या वर्षाच्या पहिल्याच दिवशी भाजपची पुढची रणनीती उघड केली.

मुंबई महापालिका निवडणुकीबद्दल बोलताना पाटील यांनी शिवसेनेवर अप्रत्यक्षपणे निशाणा साधला. ‘मुंबई महापालिका ही काही जणांची जहागीर झाली आहे. अनेक राज्यकर्त्यांनी त्या-त्या वेळेला मुंबई यांना राहू दे, असं म्हणून महापालिकेकडं दुर्लक्ष केलं. मग मुंबई महापालिकेच्या सत्तेतून पैसा मिळवून राजकारण करत करत हे मजबूत झाले. या सगळ्यामध्ये मुंबईकरांच्या समस्या बाजूलाच राहिल्या आणि यांचं राजकारण मजबूत होत गेलं. मात्र, ही मजबुती सुद्धा आता टिकणार नाही. राज्यातलं एक वर्षाचं हे अत्यंत अनैसर्गिक सरकार ही मजबुती घालवून बसणार आहे,’ असा दावा चंद्रकांत पाटील यांनी केला.

News English Summary: Like other elections in the state, Mumbai Municipal Corporation is the BJP’s New Year target. This time, the focus will be on Mumbai directly from Delhi, ‘said Bharatiya Janata Party state president Chandrakant Patil on the first day of the new year.

News English Title: BJP party plan for upcoming Mumbai municipal corporation election news updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.