मुंबई पालिकेचा २०-२१'चा अर्थसंकल्प ३३,४३४.५० कोटीचा; राखीव निधीतून ४३८० कोटीचं कर्ज घेणार

मुंबई : बंद झालेला जकात कर, मालमत्ता कराच्या वसुलीत झालेली घट आणि मंदीमुळे आटलेले विकास शुल्क आदी विविध कारणांमुळे देशातील श्रीमंत महापालिका म्हणून ओळखल्या जाणाऱ्या मुंबई महापालिकेच्या महसुलात घट झाली असून या पार्श्वभूमीवर पालिका आयुक्त प्रवीणसिंह परदेशी मंगळवारी मुंबई महापालिकेचा २०२०-२१ या आर्थिक वर्षांचा अर्थसंकल्प स्थायी समितीला सादर करणार आहेत.

Jt. MC (Education) Shri @salilashutosh presenting budget estimates for education for the financial year 2020-2021 to Smt. Anjali Naik, Chaiperson, Education Committee. #mybmcBudget pic.twitter.com/uU1QUxUVJB

— माझी Mumbai, आपली BMC (@mybmc) February 4, 2020

महापालिका आयुक्त प्रवीण परदेशी यांनी स्थायी समिती अध्यक्ष यशवंत जाधव यांच्याकडे २०२०-२०२१ या आर्थिक वर्षांसाठीचा अर्थसंकल्प सादर केला. ३३,४३४.५० कोटी रुपयांचा हा अर्थसंकल्प आहे. गतवर्षी ३०,६९२.५९ कोटी रुपयांचा अर्थसंकल्प होता, त्या तुलनेत यंदा २७४१.९१ कोटी रुपयांची वाढ झाली आहे. या अर्थसंकल्पात मुंबईकरांवर कोणत्याही प्रकारचा बोझा टाकण्यात आला नसला तरी मुंबईकरांसाठी अपवाद वगळता नव्या घोषणाही केलेल्या नाहीत. विशेष म्हणजे आर्थिक स्थिती सावरण्यासाठी मुंबई महापालिका यंदा पालिकेच्या राखीव निधीतून ४३८० कोटी रुपयांचे कर्ज घेणार आहे.

महापालिकेच्या शिक्षण विभागाने जवळपास २,९४४.५९ कोटी रुपयांचा अर्थसंकल्प (२०२०-२१) मंगळवारी सादर केला. मुंबई महापालिकेचे सहआयुक्त आशुतोष सलील यांनी शिक्षण समिती अध्यक्षा, श्रीमती अंजली नाईक यांना अर्थसंकल्प सादर केला. गेल्यामागीलवर्षीच्या तुलनेत यंदाच्या अर्थसंकल्पात २१०.८२ कोटी रुपयांची वाढ करण्यात आली आहे.

Web Title:  BMC Commissioner Praveen Pardeshi presented general budget estimated for year 2021 to BMC standing committee.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.