श्रीमंतांची रूग्णालये सरकारच्या आदेशाला जुमानत नसल्याने कारणे दाखवा नोटीस

मुंबई, २ मे: कोरोनाच्या पार्श्वभूमीवर खासगी रुग्णालयातील ८० टक्के खाटा राज्य शासनाने ताब्यात घेतल्या आहेत. मात्र अद्यापही काही ठिकाणी रुग्णांना खासगी रुग्णालयांकडून अपेक्षित ते सहकार्य होत नसल्याच्या तक्रारी येत आहेत. त्याची दखल घेऊन आरोग्यमंत्री राजेश टोपे यांनी काल रात्री मुंबईतील खासगी रुग्णालयांना अचानक भेटी दिल्या. मंगळवारी पहाटे दोन वाजेपर्यंत आरोग्यमंत्री रुग्णालयातील खाटांच्या उपलब्धतेबाबत माहिती घेत होते.

दरम्यान, मुंबईतील श्रीमंतांची रूग्णालये म्हणून ओळख असलेली बॉम्बे हॉस्पिटल, लीलावती, हिंदुजा आणि जसलोक रुग्णालये हे काँग्रेस, राष्ट्रवादी काँग्रेस आणि शिवसेना अशा तीन-तीन पक्षांच्या महाविकास आघाडीलाही जुमानत नाहीत. राज्य सरकारने कोरोना महामारीच्या पार्श्वभूमीवर या बड्या रुग्णालयांना 80% बेड्स नियंत्रित दरात राखून ठेवण्यास सांगितले होते. मात्र या चारही बड्या श्रीमंतांच्या रुग्णालयांनी सरकारच्या आदेशाला केराची टोपली दाखविली आहे. त्यामुळे आता राज्य सरकारने या चारही रुग्णालयांना नोटीस बजावली आहे.

राज्य शासनाने कोरोना उपचारासाठी केलेल्या नियमांचे पालन न करण्यात आल्याने बॉम्बे हॉस्पीटल, जसलोक हॉस्पीटल, हिंदुजा हॉस्पीटल, लिलावती हॉस्पीटल यांना कारणे दाखवा नोटीस बजावली आहे. राज्य शासनाने काढलेल्या आदेशाचे पालन न करणाऱ्या रुग्णालयांवर कडक कारवाई करणार.#CoronaVirusUpdates pic.twitter.com/PT2kM3aWF3

— Rajesh Tope (@rajeshtope11) June 2, 2020

काल रात्री राज्याच्या आरोग्य मंत्री राजेश टोपे यांनी या चारही रुग्णालयांचा फेरफटका मारला. त्यावेळी त्यांना या श्रीमंत रुग्णालयातील अनेक बेड्स रिकामे असल्याचे आढळले. तरीही रुग्णालये सरकारने पाठविलेल्या रुग्णांना त्या हॉस्पिटलमध्ये दाखल करून घेत नाहीत. वास्तविक सरकारने कोरोनाच्या पार्श्वभूमीवर मुंबईतील बड्या रुग्णालयांना 80% बेड्स नियंत्रित दरात राखून ठेवण्यास सांगितले होते. मात्र ज्यावेळी सरकारतर्फे या रुग्णालयांमध्ये रुग्णांना पाठविले जायचे, त्यावेळी त्यांना तेथे दाखल करून घेण्यास स्पष्ट नकार दिला जात होता. म्हणजेच सरकारी आदेशाचा खुल्लम खुल्ला अवमान केला जात होता.

News English Summary: The Bombay Hospital, Lilavati, Hinduja and Jaslok Hospitals, which are known as the hospitals of the rich in Mumbai, do not even support the three-party alliance of Congress, NCP and Shiv Sena. The state government had asked these big hospitals to maintain 80% beds at a controlled rate in the wake of the Corona epidemic.

News English Title: Bombay hospital Lilavati and two other hospitals get notice from state government News Latest Updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.