पहिल्यांदा बघितले आहे की मुख्यमंत्रीच सांगत आहेत..आमच सरकार पाडा

मुंबई, २४ जुलै : शिवसेना पक्षप्रमुख उद्धव ठाकरे यांनी ‘सामना’ दैनिकाला दिलेल्या मुलाखतीचा आणखी एक प्रोमो शुक्रवारी संजय राऊत यांनी ट्विटवरुन शेअर केला. यामध्ये मुख्यमंत्री उद्धव ठाकरे यांनी विरोधकांना सरकार पाडून दाखवा, असे जाहीर आव्हानच दिले आहे. संजय राऊत यांनी विचारलेल्या एका प्रश्नाला उत्तर देताना उद्धव यांनी म्हटले आहे की, मी इथेच बसलोय. माझी मुलाखत सुरु असताना सरकार पाडून दाखवा. उद्धव यांच्या या वक्तव्यामुळे आता या संपूर्ण मुलाखतीविषयी राजकीय वर्तुळाला उत्सुकता लागून राहिली आहे. सामनाचे कार्यकारी संपादक संजय राऊत यांनी घेतलेली ही २५ (उद्या) व २६ (रविवार) जुलै रोजी प्रसिद्ध होणार आहे.

संजय राऊत यांनी शेअर केलेल्या नवीन प्रोमोमध्ये उद्धव ठाकरे महाविकास आघाडीला तीन चाकी सरकार म्हणत टीका करणाऱ्या विरोधकांना उत्तर देताना दिसत आहेत. तसंच राष्ट्रीय राजकारणावर भाष्य करताना, “आत्ता तुम्हाला चीन नको आहे, पण कालांतराने हिंदी-चिनी भाई भाई होणार नाही का?,” असा सवाल विचारत आहेत. यावेळी त्यांनी आपल्या मुख्यमंत्री पदावर बोलताना, “साठाव्या वर्षी मी मुख्यमंत्री असलो तरी याच’साठी’ केला होता अट्टहास असं नाही आहे..हा योगायोग आहे,” असं सांगितलं आहे.

मात्र मुख्यमंत्र्यांच्या सरकार पाडून दाखवा या विधानाची भाजपचे आमदार नितेश राणे यांनी ट्विटरवरून खिल्ली उडवली आहे. नितेश राणे यांनी म्हटलं आहे की, “पहिल्यांदा बघितले..मुख्यमंत्री सकट सगळे मंत्री सांगत आहेत..आमच सरकार पाडा!!….इतकी घाई कधीच बघितली नाही.”

पहिल्यांदा बघितले..

मुख्यमंत्री सकट सगळे मंत्री सांगत आहेत..

आमच सरकार पाडा!!

इतकी घाई कधीच बघितली नाही..

😅😅😅

— nitesh rane (@NiteshNRane) July 24, 2020

News English Summary: Another promo of the interview given by Shiv Sena chief Uddhav Thackeray to ‘Saamana’ daily was shared by Sanjay Raut on Twitter on Friday. In this, Chief Minister Uddhav Thackeray has given a public challenge to the opposition to overthrow the government.

News English Title: Chief Minister Uddhav Thackeray has given a public challenge to the opposition to overthrow the government News Latest Updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.