बंदी नंतरही भाजपच्या नेत्यांकडून चायनीज ऍपचा वापर | ट्विटमध्येच दिला पुरावा

मुंबई, 25 ऑगस्ट : पंतप्रधान नरेंद्र मोदी यांनी 29 जून रोजी भारतात टिकटॉक, कॅम स्कॅनर, यूसी ब्राऊजर, शेअरइट, हॅलो यांसारख्या 59 चायनीज ऍप्सवर बंदी घातली. भारत चीन मधील संघर्षामुळे अनेक चिनी app रडारवर होते. चिनी app वरून भारतीयांची माहिती चोरली जात असल्याचे समोर आल्यानंतर भारतीय गुप्तचर संस्थेनेही या app वर बंदी आणण्याची मागणी केली होती. त्या पार्श्वभूमीवर मोदी सरकारनं सोमवारी टिकटॉकसह ५९ चिनी अॅपवर बंदी घालण्याचा निर्णय घेतला होता.

भारतात चायनीज ऍप्सवर बंदी घातल्यानंतर आता आत्मनिर्भर भारत अंतर्गत, भारतात नवीन ऍप्स तयार करण्यात येत आहेत. नरेंद्र मोदींनी चायनीज ऍप्स बॅन केल्यानंतरही भाजपच्या नेत्यांकडून चायनीज ऍपचा वापर केला जात असल्याचं उघड करत काँग्रेस नेते सचिन सावंत यांनी भाजपवर जोरदार टीका केली आहे.

This is absolutely condemnable! Traitor @BJP4Maharashtra is still using the Chinese App #camscanner which is banned by @narendramodi govt. The act of banning Chinese apps and tomtom of #AtmaNirbharBharat seems an eyewash.
BJP’S love for the Chinese is brazenly blatant. https://t.co/MJgYs8EL7k

— Sachin Sawant सचिन सावंत (@sachin_inc) August 25, 2020

पंतप्रधान मोदींनी चायनीज ऍप कॅम स्कॅनर भारतात बॅन केल्यानंतरही भाजपकडून याचा वापर केला जात असल्याची बाब अतिशय निंदनीय असल्याचं म्हणत सचिन सावंत यांनी भाजपला जोरदार टोला लगावला आहे.

पंतप्रधानांनी चीनचं CamScanner ऍप संपूर्ण भारतात बंद केलं होतं की केवळ सामान्य जनतेसाठी बंद केलं होतं, असा सवाल काँग्रेसकडून केला जात आहे. भाजप भारताचा भाग नाही का? की केवळ भाजपसाठी विशेष सवलत दिली आहे? असा खोचक प्रश्नही काँग्रेसकडून विचारला जात आहे. महाराष्ट्र यूथ काँग्रेसकडून, भाजपचं एक प्रसिद्धी पत्रक शेअर करण्यात आलं आहे. त्या प्रसिद्धी पत्रकाच्या शेवटी कॅम स्कॅनर ऍपचा वापर केल्याचं दिसत आहे. यावरुन सचिन सावंत यांनी भाजपला चायनीज ऍप बॅन करण्याची कृती म्हणजे केवळ दिखावा केल्याचा टोला लगावला आहे.

News English Summary: Following the ban on Chinese apps in India, new apps are now being developed in India under Self-Reliant India. Congress leader Sachin Sawant has strongly criticized the BJP leaders for using the Chinese app even after Narendra Modi banned it.

News English Title: Congress leader Sachin Sawant on BJP using Chinese app cam scanner News Latest Updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.