SRA'च्या प्रत्येक प्रकल्पात प्राथमिक आरोग्य केंद्र उभारण्यात येणार - जितेंद्र आव्हाड

मुंबई, १२ जून : यापुढे एसआरएच्या प्रत्येक प्रकल्पामध्ये झोपडपट्टी धारकांच्या प्रकृतीची काळजी म्हणून प्राथमिक आरोग्य केंद्र उभारण्यात येणार आहे. राज्याचे गृहनिर्माण मंत्री जितेंद्र आव्हाड यांनी हा महत्त्वाचा निर्णय घेतला आहे. आव्हाड यांनी याबाबत ट्विटरवरून माहिती दिली आहे. सध्या राज्यात उद्भवलेल्या कोरोनाच्या स्थितीमुळे आरोग्य विभागाकडे जास्त लक्ष देण्याची गरज आहे. या पार्श्वभूमीवर हा निर्णय घेण्यात आला आहे.

यापुढे SRA च्या प्रत्येक प्रकल्पामध्ये झोपडपट्टी धारकांच्या प्रकृतीची काळजी म्हणून 1000 ते 5000 स्क्वे. फूट चे प्राथमिक आरोग्य केंद्र Free Of FSI Basis वर बांधण्याचा निर्णय SRA ने घेतला आहे.

तसे आदेश मी पारित केले आहेत.@OfficeofUT @PawarSpeaks

— Dr.Jitendra Awhad (@Awhadspeaks) June 12, 2020

कोरोनाचा शिरकाव मागील दिड महिन्यात झोपडपट्टी भागात झाला आहे. मुंबईतील धारावी असो किंवा ठाण्यातील झोपडपटटीचा भाग किंवा इतर महापालिकांच्या ठिकाणाच झोपडपटटी भाग या सर्वच ठिकाणी कोरोनाचा प्रभाव दिवसागिणक वाढत आहे. त्यामुळे त्यांना लागलीच उपचार मिळण्यासाठी देखील कठीण होत आहे. तसेच त्यांना क्वॉरान्टाइन करणो, त्यांच्या संपर्कातील रुग्णांचा शोध घेणो यासाठी तारेवरची कसरत सुरु आहे. एवढे करुनही कोरोनाचा प्रभाव झोपडपटटी भागातून कमी झालेला नाही.

त्यामुळे आता यापुढे ज्या ज्या भागांमध्ये एसआरए अंतर्गत झोपडपटटींचा विकास होईल त्या ठिकाणी प्रत्येक एसआरए स्कीममध्ये 1 हजार ते पाच हजार स्केअर फुटांचे आरोग्य केंद्र उभारण्यात येणार असल्याची माहिती आव्हाड यांनी दिली. विशेष म्हणजे हे आरोग्य केंद्र उभारतांना फ्री ऑफ एफएसआय बेसीसवर बांधण्याचा निर्णयही एसआरएने घेतला असल्याचे त्यांनी सांगितले. त्या आशयाचे आदेशही पारीत करण्यात आल्याचे त्यांनी स्पष्ट केले.

News English Summary: A primary health center will be set up in each SRA project to take care of the health of slum dwellers. State Housing Minister Jitendra Awhad has taken this important decision. Awhad informed about this on Twitter.

News English Title: Corona virus Minister Jitendra Awhad announces set health centers every SRA project News Latest Updates.