आरे कारशेडचा खर्च ४०० कोटी सांगितला | RTI मधील सत्य ७० कोटी | मग ३३० कोटी गेले कुठे

मुंबई, २३ ऑक्टोबर: मुख्यमंत्री उद्धव ठाकरे यांनी ११ ऑक्टोबर रोजी आरेतील प्रस्तावित मेट्रो कारशेड कांजुरमार्ग हलवण्याचा निर्णय घेतल्याची घोषणा केली. राज्य सरकारच्या या निर्णयावरून विरोधकांकडून जोरदार टीका केली होती. आरे येथील मेट्रो कारशेड कांजुरमार्ग येथे हलविण्याचा निर्णय दुर्देवी असून तो केवळ अहंकारातून घेण्यात आला आहे, असा आरोप विरोधीपक्ष नेते देवेंद्र फडणवीस यांनी केला होता.

दरम्यान आरे कारशेडसाठी ४०० कोटींचा खर्च करण्यात आल्याचा दावा फडणवीस यांनी केला होता. मात्र आता माहिती अधिकार कायद्याअंतर्गत मेट्रो प्रशासनाने दिलेल्या उत्तरामध्ये फडणवीस यांनी खर्चासंदर्भात केलेला दावा चुकीचा असल्याचे स्पष्ट झालं आहे. आरे येथील जंगलांच्या संवर्धनार्थ काम करणारे पर्यावरणवादी झोरु भथेना यांनी दाखल केलेल्या माहिती अधिकार अर्जाला दिलेल्या उत्तरात आरेमध्ये सरकारने ७० कोटी रुपये खर्च केल्याची माहिती देण्यात आल्याचे म्हटले आहे. त्यामुळे आता भथेना यांनी फडणवीस यांना उरलेला ३३० कोटी रुपयांचा निधी कुठे गेला असा प्रश्न विचारला आहे.

Dear @Dev_Fadnavis
You claim your Govt spent Rs 400 Cr on Aarey Depot
𝐁𝐮𝐭, 𝐌𝐞𝐭𝐫𝐨𝟑 𝐬𝐩𝐞𝐧𝐭 𝐨𝐧𝐥𝐲 𝐑𝐬 𝟕𝟎 𝐂𝐫

(𝐑𝐬 𝟑𝟒𝐂𝐫 𝐭𝐨 𝐝𝐞𝐬𝐭𝐫𝐨𝐲 𝐀𝐚𝐫𝐞𝐲
+ Rs 17Cr for temp sheds
+ just Rs 20Cr for RCC work)

We wonder where the balance Rs 330 Crores went?🤔 https://t.co/eDK278l7FX pic.twitter.com/df7pwCBGzw

— Zoru Bhathena (@zoru75) October 21, 2020

भथेना यांच्या या खुलाश्यानंतर फडणवीस मुख्यमंत्री असताना सरकारने केलेल्या खर्चासंदर्भातील दाव्यांबद्दल प्रश्न उपस्थित केले जात आहेत. भथेना यांनी पर्यावरवादी स्टॅलिन यांच्यासोबत आरे येथे उभारण्यात येणाऱ्या कारशेडच्या खर्चाबाबत माहिती अधिकार कायद्याअंतर्गत याचिका दाखल केली होती. मुंबई मेट्रो रेल कॉर्पोरेशन लिमिटेडने यासंदर्भात ७० कोटी रुपये खर्च झाल्याची माहिती या अर्जाला उत्तर देताना दिली आहे.

खर्च कसा झाला:

• झाडे कापण्यासाठी ५ कोटी
• कारशेडसाठी जमीन तयार करण्यासाठी २७ कोटी
• ड्रेनेज लाईन आणि पाईप लाईन हटवण्यासाठी २ कोटी
• कारशेडच्या एकूण बांधकामासाठी ३७ कोटी

News English Summary: Fadnavis had claimed that Rs 400 crore was spent for the Aarey car shed. But now in the reply given by the Metro administration under the Right to Information Act, it has become clear that the claim made by Fadnavis regarding the expenditure is wrong. In a reply to a RTI application filed by Zoru Bhathena, an environmentalist working for forest conservation in Aarey, it was alleged that the government had spent Rs 70 crore in Aarey. So now Bhathena has asked Fadnavis where the remaining Rs 330 crore has gone.

News English Title: Devendra Fadanvis Said Govt Spent 400 Crore on Aarey car shed depot But Metro 3 Spent Only 70 Crore as per RTI News updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.