जलेबी ना फापडा अशा कार्यक्रमांनी लोकं जवळ येत नाहीत | कृतीतून लोकं जवळ येतात - फडणवीस

मुंबई, ११ जानेवारी: मुंबई महानगरपालिकेत भाजपाची वोट बँक तोडण्यासाठी देखील शिवसेना तयारीला लागली आहे. शिवसेनेने यासाठी अमराठी मतदारांना आकर्षित करण्यासाठी मोहीम सुरु केली आहे. ‘मुंबई मा जलेबी ना फाफडा, उद्धव ठाकरे आपडा’ असं म्हणत शिवसेनेने गुजराती मतदारांना साद घातली आहे. एका बाजूला भारतीय जनता पक्षाने शिवसेनेचा बालेकिल्ला समजला जाणाऱ्या मुंबई महापालिकेवर एकहाती सत्ता मिळवण्यासाठी कंबर कसली आहे.

दरम्यान शिवसेना देखील अमराठी मतांसाठी जोरदारपणे तयारीला लागली आहे. याचाच भाग म्हणून शिवसेनेकडून ‘मुंबई मा जलेबी ना फाफडा, उद्धव ठाकरे आपडा’ मोहीम सुरु केली आहे. शिवसेनेकडून गुजरातींसाठी मेळावा आयोजित करण्यात आला होता. शिवसेना संघटक हेमराज शाह यांच्यावर गुजराती मतदारांची जबाबदारी सोपवण्यात आली आहे.

शिवसेनेच्या या प्रयत्नांची राज्याचे विरोधी पक्षनेते देवेंद्र फडणवीस यांनी खिल्ली उडवली आहे. ‘निवडणुकीच्या व्यतिरिक्तही शिवसेनेनं गुजराती समाजाशी सौहार्द ठेवायला हवा,’ असा खोचक टोला फडणवीस यांनी हाणला आहे.

लोणावळा येथे त्यांनी प्रसार माध्यमांशी संवाद साधला. गुजराती समाजाशी जवळीक साधण्याच्या हेतूनं शिवसेनेनं काल जोगेश्वरी येथे गुजराती भाषिकांचा मेळावा आयोजित केला होता. ‘मुंबई मा जलेबी ना फापडा, उद्धव ठाकरे आपडा’ अशी या कार्यक्रमाची टॅगलाइन होती. पत्रकारांनी याबाबत फडणवीसांना विचारलं असता, ‘गुजराती समाजाला निवडणुकीसाठी का होईना, जवळ करण्याचा प्रयत्न शिवसेना करतेय याचा आनंद आहे. निवडणुकीच्या व्यतिरिक्तही त्यांनी गुजराती समाजाशी सौहार्द ठेवायला हवा. शेवटी तेही आपले नागरिक आहेत,’ असं फडणवीस म्हणाले.

एकीकडं अहमदाबाद-मुंबई बुलेट ट्रेनला शिवसेना कडाडून विरोध करतेय आणि दुसरीकडं गुजराती समाजाला जवळ घेऊ म्हणतेय. अशा कार्यक्रमांनी कोणी जवळ येत नाही. कृतीतून लोक जवळ येतात,’ असं फडणवीस म्हणाले.

News English Summary: Shiv Sena had organised a gathering of Gujarati community at Jogeshwari yesterday with the aim of getting closer to the Gujarati community. The tagline of the event was ‘Mumbai Ma Jalebi Na Fapda, Uddhav Thackeray Apda’. Journalists would have asked Fadnavis about this, ‘I am happy that Shiv Sena is trying to bring the Gujarati community closer for the elections. Apart from elections, they should also be friendly with the Gujarati community. After all, they are also our citizens, ‘said Fadnavis.

News English Title: Devendra Fadnavis criticised Shivsena over organising Gujarati community program news updates.