मुंबईत रात्री 11 नंतरही फूड डिलिव्हरीला परवानगी | महापालिकेची माहिती

मुंबई, ३१ डिसेंबर: आज संध्याकाळपासून थर्टी फर्स्ट पार्ट्यांना उधाण येईल. नववर्ष स्वागताची जय्यत तयारी सर्वत्र सुरु होईल. मात्र दरवर्षी प्रमाणे यंदा जोरदार सेलिब्रेशन करता येणार नाही, हे आता स्पष्ट झाले आहे. कोविड-19 चे संकट आणि त्यामुळे सरकार, पोलिस प्रशासन यांनी घालून दिलेले नियम पाळणे अनिवार्य आहे. दरम्यान, नाईट कर्फ्यू असला तरी मुंबईकरांची पार्टी थांबू नये म्हणून पालिकेने चोख व्यवस्था केली आहे. रात्री 11 नंतरही फूड डिलिव्हरी करण्यास परवानगी देण्यात आल्याची माहिती बीएमसीने ट्विटद्वारे दिली आहे. हा निर्णय मुंबईकरांसाठी नक्कीच दिलासादायक आहे.

मुंबईत 5 जानेवारीपर्यंत नाईट कर्फ्यू लागू आहे. त्यामुळे हॉटेल, रेस्टाँरंट आणि बार रात्री 11 वाजता बंद करावे लागतील. मात्र, लोकांच्या सुविधेसाठी हॉटेल्सची किचन आणि होम डिलेव्हरी रात्री दीडपर्यंत सुरु राहील.

मुंबई, रात्री ११:०० नंतर पार्टी संपवू नका, नूतन वर्षाचे स्वागत घरीच करा.

आता उपहारगृहांना (रेस्टॉरंट) रात्री ११ नंतर घरपोच सेवा करण्याची अनुमती देण्यात आली आहे.

मुंबईस सुरक्षितरित्या नवीन वर्षात पदार्पण करण्याकरिता कोरोनाविषयीच्या सर्व सुनिश्चित नियमांचे काटेकोरपणे पालन करा.

— माझी Mumbai, आपली BMC (@mybmc) December 31, 2020

दरम्यान मुंबई महानगरपालिकेच्या या निर्णयबाद्दल ‘आहार’चे अध्यक्ष शिवानंद शेट्टी यांनी प्रतिक्रिया देताना म्हटले की, किमान मुदतवाढ देण्याबाबत आपला मुद्दा विचारात घेतल्यानंतर आम्ही शेवटच्या क्षणी झालेल्या या घोषणेवर खुश आहोत. आम्ही आमच्या सदस्यांना रात्रीच्या कर्फ्यू दरम्यान आमच्या ऑपरेशन्सवर नियंत्रण ठेवत असलेल्या सर्व नियम आणि नियमांचे काटेकोरपणे पालन करण्यास सांगू. फक्त आमची विनंती आहे, की जे लोक आपले पैसे घेऊन घरी येतील त्यांना आणि होम डिलिव्हरीमध्ये सामील झालेल्या कर्मचार्‍यांना त्रास होऊ नये.

News English Summary: Thirty first parties will be pouring in from this evening. Preparations for the New Year’s reception will begin everywhere. However, it is now clear that the celebrations will not be as vigorous as every year. The crisis of Kovid-19 and therefore the rules laid down by the government and the police administration must be followed. Meanwhile, despite the night curfew, the corporation has made arrangements so that the party of Mumbaikars does not stop. Food delivery was allowed even after 11pm, BMC tweeted. This decision is definitely heartening for Mumbaikars.

News English Title: Food home delivery hotel parcel counter will remain open till 1 30 PM in Mumbai on 31st December news updates.