एकनाथ गायकवाड मुंबई कांग्रेसचे नवे कार्याध्यक्ष

मुंबई : मिलिंद देवरा यांच्या राजीनाम्यानंतर गेले काही दिवस अधांतरी असलेल्या मुंबई काँग्रेस अध्यक्षपदावर अखेर तोडगा निघाला आहे. मिलिंद देवरांचा राजीनामा मंजूर न करता ज्येष्ठ नेते आणि माजी खासदार एकनाथ गायकवाड यांची मुंबई काँग्रेसच्या कार्याध्यक्षपदी नियुक्ती करण्यात आली आहे. गायकवाड हे मुंबई काँग्रेसचा दलित चेहरा म्हणून ओळखले जातात. विधानसभा निवडणुकीच्या तोंडावर दलित आणि मराठी माणसाची नियुक्ती करून काँग्रेसने नवा डाव खेळलाय. एकनाथ गायकवाड हे उद्या २८ जुलैला सकाळी ११ वाजता.

मुंबई काँग्रेसच्या मुख्य कार्यालयात आपला नवा पदभार स्वीकारणार आहेत. काँग्रेसचे सरचिटणीस वेणूगोपाल यांच्या स्वाक्षरीने गायकवाड यांचे नियुक्तीपत्र जारी करण्यात आले आहे. मुंबई काँग्रेस अध्यक्ष पदाचा राजीनामा दिलेले मिलिंद देवरा यांनी गायकवाड यांच्या नियुक्तीबद्दल त्यांचे अभिनंदन केले आहे. दरम्यान, राहुल गांधी यांनी काँग्रेस अध्यक्षपदाचा राजीनामा दिला असून या पदाबाबतच संभ्रम कायम आहे. तसेच राहुल यांच्या पाठोपाठ काँग्रेसमध्ये राजीनामा सत्र सुरूच होते. एकनाथ गायकवा हे लोकसभेचे दोन वेळा खासदार होते. त्यानंतर २०१४ आणि २०१९ या नुकत्याच झालेल्या निवडणुकीत त्यांना शिवसेनचे खासदार राहुल शेवाळे यांच्याकडून पराभव स्वीकारावा लागला.

Sh. Eknath Gaikwad will be taking charge as the Working President of Mumbai Congress in the presence of Sh. Milind Deora and other party leaders at 11. am on Sunday, 28th July, 2019.

Venue: Mumbai Congress Office, Rajiv Gandhi Bhavan, CSMT.

Please do come in large numbers.

— Mumbai Congress (@INCMumbai) July 27, 2019

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.