मुंबई: अंधेरी पूर्वेकडील मरोळ एमआयडीसीतील इमारतीला भीषण आग

मुंबई : अंधेरी पूर्व एमआयडीसी परिसरातील रोल्टा टेक्नॉलॉजीज या आयटी कंपनीला भीषण आग लागली. कंपनीच्या दुसऱ्य़ा मजल्यावरील सर्व्हर रुमला आग लागल्याची माहिती आहे. आग विझवण्यासाठी अग्निशमन दलाच्या २४ गाड्या घटनास्थळी दाखल झाल्या. तब्बल चार तासांच्या शर्थीच्या प्रयत्नानंतर आगीवर नियंत्रण मिळवण्यात अग्निशमन दलाला यश आलं आहे. ही आग लेव्हल-४ ची असल्याची माहिती अग्निशमन दलाकडून देण्यात आली आहे.

मुंबईतील अंधेरी पूर्वेकडील मरोळ एमआयडीसीतील इमारतीला भीषण आग, एक महिला जखमी, अग्निशमन दलाचे आठ बंब घटनास्थळी#MumbaiFire #BMC pic.twitter.com/ZnJBPqlviq

— महाराष्ट्रनामा न्यूज (@MahanamaNews) February 13, 2020

आग लागलेली इमारत रोल्टा कंपनीची आहे. तीन मजल्याच्या या इमारतीच्या दुसऱ्या मजल्यावर असलेल्या सर्व्हर रूममध्ये साडेअकराच्या सुमारास स्पार्क झाला आणि अचानक आग लागली. संपूर्ण काचेच्या असलेल्या या इमारतीमध्ये कुठल्याही प्रकारचं व्हेंटिलेशन नसल्यानं इमारतीत धूर कोंडला गेला आहे. उष्णता निर्माण झाल्यानं अग्निशमन दलाच्या जवानांना इमारतीत शिरून काही करता येत नाहीए. इमारतीच्या काचा फोडून पाण्याचे फवारे मारले जात आहेत.

Mumbai: Fire continues to rage at Rolta company in Andheri East. 8 fire tenders are present at the spot. As a precautionary measure, the nearby buildings have been vacated. https://t.co/llJrsypyBJ pic.twitter.com/2g6lCHfRWt

— ANI (@ANI) February 13, 2020

आता पर्यंत तब्बल ३० पेक्षा अधिक अग्नीशमन दलाच्या गाड्या घटनास्थळी दाखल झाल्या असून आग अटोक्यात आणण्यासाठी अग्नीशमन दलाला शर्तीचे प्रयत्न करावे लागणार आहेत. जवानांना ही आग विझवणे अशक्य असल्यामुळे थर्मल इमेजिंग कॅमेरा तंत्रज्ञानाच्या माध्यमातून आग विझविण्याचे प्रयत्न सुरु आहेत.

ही इमारत संपूर्ण काचेची इमारत असल्याने यामध्ये हवा खेळती राहत नसल्याने प्रचंड धूर आणि आगीचे लोळ उठत असल्याने आग विझवण्यात अडथळे येत आहेत. दरम्यान, या इमारतीची वीज बंद करण्यात आली आहे. सुदैवानं या इमारतीत कोणताही कर्मचारी अडकलेला नाही. मात्र, मोठ्या प्रमाणावर आर्थिक नुकसान झाले आहे.

Web Title: Huge fire at Mumbai Andheri Rolta company.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.