राष्ट्रवादी काँग्रेस पक्ष काँग्रेसमध्ये विलीन करा | शरद पवार यांना काँग्रेसचे अध्यक्ष करावे - आठवले

मुंबई, ५ सप्टेंबर : काँग्रेसच्या अध्यक्षपदावरुन गेल्या काही दिवसांमध्ये अनेक राजकीय घडामोडी घडत आहेत. काँग्रेस पक्षातील काही दिग्गज नेत्यांनी काही दिवसांपूर्वी वरिष्ठ नेत्या आणि हंगामी काँग्रेस अध्यक्ष सोनिया गांधी यांना पत्र लिहून नेता निवडणं गरजेचं असल्याचं म्हटलं होतं. यावरुन काँग्रेस पक्षातील दोन गटांमध्येच मतभेद पहायला मिळाले. या सर्व घडामोडींवर रिपब्लिकन पार्टी ऑफ इंडियाचे (आठवले गट) अध्यक्ष रामदास आठवले यांनी एक सल्ला दिला आहे.

गेल्या काही दिवसांपासून काँग्रेसच्या अध्यक्षपदाबाबात चर्चा सुरू आहे. यावरून रामदास आठवले यांनी काँग्रेस आणि राष्ट्रवादी काँग्रेसवर निशाणा साधला आहे. “काँग्रेस पक्षाचे अध्यक्षपद स्वीकारण्यास सध्या राहुल आणि सोनिया गांधीही तयार नाहीत. माझी काँग्रेसला सूचना आहे की राष्ट्रवादी काँग्रेस पक्ष काँग्रेसमध्ये विलीन करून शरद पवार यांना काँग्रेसचे अध्यक्ष करावे. याबाबतचा निर्णय पवार आणि काँग्रेस यांनी घ्यावा,” असे ट्विट रामदास आठवले यांनी केले आहे.

काँग्रेस पार्टी की अध्यक्षता स्वीकारणे के लीये राहुल और सोनिय गांधीजी भी तयार नही है। मेरी सूचना है के राष्ट्रवादी काँग्रेस को काँग्रेस मे विलीन कर शरद पवारजी को काँग्रेस का राष्ट्रीय अध्यक्ष करना चाहीये।इस बारेमे निर्णय काँग्रेस औ @PawarSpeaks ने करना चाहीये @RahulGandhi

— Dr.Ramdas Athawale (@RamdasAthawale) September 5, 2020

या आधीही अशाच पद्धतीची सूचना करण्यात आली होती. काँग्रेसच्या नुकत्याच झालेल्या काँग्रेस कार्यकारणीच्या बैठकीत कार्यकारी अध्यक्षा सोनिया गांधी यांनी राजीनामा देण्याची इच्छा व्यक्त केली होती. मात्र गांधी घराण्याशिवाय एखादी व्यक्ती अध्यक्षपदी यावी असंही त्यांनी म्हटलं होतं.

News English Summary: Observing that Sonia Gandhi and Rahul Gandhi are not keen on donning the mantle of Congress president, Union minister Ramdas Athawale on Saturday suggested the NCP be merged with the grand old party and Sharad Pawar be made new chief of the merged entity.

News English Title: Merge NCP In Congress And Make Sharad Pawar Congress President Suggest RPI President Ramdas Aathawle Marathi News LIVE latest updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.