राजकारण सुरु राहिल, लोकांचा जीव महत्त्वाचा - आदित्य ठाकरे

मुंबई, १३ एप्रिल: राज्यात सोमवारी एकूण ५१,७५१ नवे रुग्ण, तर २५८ रुग्णांचा मृत्यू झाला. यातील १३३ रुग्ण एकट्या विदर्भातील आहेत. मराठवाड्यात ८७ रुग्णांचा मृत्यू झाला. राज्यात आतापर्यंत ३४ लाख ५८,९९६ रुग्णांची नोंद झाली असून २८,३४,४७३ रुग्ण बरे झाले.

दरम्यान, काही दिवसांपूर्वी आदित्य ठाकरे आणि त्यांच्या आई म्हणजेच रश्मी उध्दव ठाकरे यांना कोरोनाची लागण झाली होती. आता बरं होत आदित्य ठाकरे पुन्हा रुजू झाले आहेत. सध्याची मुंबईतील वाढती कोरोनाग्रस्तांची रुग्णसंख्या पाहता वरळी मतदारसंघातील नेहरु सायन्स सेंटरमध्ये १५० बेड्स तर पोद्दार रुग्णालयात २२४ बेड्सचं अद्यावत सोयीसुविधा असलेलं कोविड सेंटर उभारण्यात आलं आहे. या सेंटरचं उद्घाटन आदित्य ठाकरेंच्या हस्ते करण्यात आलं. यामध्ये जवळपास ७० टक्के ऑक्सिजन बेड्स उपलब्ध आहेत, त्यामुळे रुग्णांना याचा जास्तीत जास्त फायदा होणार आहे.

आदित्य ठाकरे राजकारणावर बोलायला विसरले नाहीत. “कोराना काळात जे राजकारण सुरु आहे, ते सुरु राहू द्या, त्याकडे लक्ष द्यायची गरज नाही. लोकांचा जीव महत्त्वाचा आहे.” एवढंच नव्हे तर “लसीवरुन जे काही सुरु आहे त्याबद्दल मी काही सांगायची गरज नाही,” असं वक्तव्य त्यांनी केलं. “लवकरच मी फिल्डवर ॲक्टिव्ह होईन,” असा विश्वास देखील आदित्य ठाकरेंनी व्यक्त केला आहे.

News English Summary: Minister Aaditya Thackeray is recovering now. In view of the increasing number of coronary heart disease patients in Mumbai, a covid center with 150 beds has been set up at Nehru Science Center and 224 beds at Poddar Hospital in Worli constituency.

News English Title: Minister Aaditya Thackeray inaugurated news corona centre at Neharu Science centre news updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.