आगामी पालिका निवडणुका | बैठकीत राज ठाकरेंकडे पदाधिकाऱ्यांचे अहवाल सादर होणार

मुंबई, १२ जानेवारी: राज्यातील आगामी ग्रामपंचायत आणि महानगरपालिका निवडणुकांच्या पार्श्वभूमीवर राज ठाकरे यांच्या उपस्थितीत मंगळवारी महाराष्ट्र नवनिर्माण सेनेची महत्त्वाची बैठक पार पडत आहे. हाती आलेल्या वृत्तानुसार, राज ठाकरे यांनी मनसेचे प्रमुख नेते आणि सरचिटणीसांना या बैठकीसाठी पाचारण केले आहे. सकाळी 10 नंतर सदर बैठकीला सुरुवात होणार असल्याचं वृत्त आहे. वांद्र्याच्या MIG क्लबमध्ये या बैठकीला महत्वाचे पदाधिकारी उपस्थित राहणार आहेत.

राज ठाकरे या बैठकीत प्रत्येक पदाधिकाऱ्याशी वैयक्तिकरित्या संवाद साधणार आहेत. पक्षातील पदाधिकाऱ्यांना अहवाल सादर करण्याच्या सूचना देण्यात आल्या आहेत. त्यामुळे आगामी निवडणुकांच्या पार्श्वभूमीवर राज ठाकरे महाराष्ट्र नवनिर्माण सेनेच्या पदाधिकाऱ्यांना काय आदेश देणार, याकडे सर्वांचे लक्ष लागले आहे.

येत्या काही महिन्यात राज्यात कल्याण-डोंबिवली, कोल्हापूर, वसई-विरार, नवी मुंबई आणि औरंगाबाद या महापालिकांच्या निवडणुका होणार आहेत, त्यामुळे राज ठाकरेंनी पक्षसंघटन वाढीसाठी पदाधिकाऱ्यांची बैठक आयोजित केली आहे, यात राज ठाकरे वैयक्तिक पदाधिकाऱ्यांशी संवाद साधतील, या बैठकीपूर्वी मनसेच्या पदाधिकाऱ्यांना आपल्या परिसरातील स्थानिक राजकीय माहिती, समस्या आणि मनसेचे कार्य याबाबत अहवाल सादर करण्याची सूचना देण्यात आली होती.

News English Summary: An important meeting of Maharashtra Navnirman Sena is being held on Tuesday in the presence of Raj Thackeray on the backdrop of the forthcoming Gram Panchayat and Municipal elections in the state. According to reports, Raj Thackeray has invited MNS leaders and general secretaries for the meeting. It is reported that the meeting will start after 10 am. The meeting will be attended by key office bearers at the MIG Club in Bandra.

News English Title: MNS chief Raj Thackeray will take important meet with party officers before upcoming corporation elections news updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.