शॅडो कॅबिनेट: मनसेचे नेते ठेवणार राज्य सरकारच्या कारभारावर नजर

मुंबई: शिवसेना प्रमुख बाळासाहेब ठाकरे यांच्या जयंतीचं औचित्य साधून महाराष्ट्र नवनिर्माण सेनेचे प्रमुख राज ठाकरे यांनी मनसेच्या नव्या झेंड्याचं अनावरण केलं. महाराष्ट्र नवनिर्माण सेनेतर्फे शॅडो कॅबिनेटची स्थापना करण्यात येणार असल्याची माहिती मनसे नेते शिरीष सावंत यांनी दिली.

राज्य सरकारवर वचक ठेवण्यासाठी पक्षातील प्रत्येक नेता आणि सरचिटणीस यांना संबंधित खात्याच्या कामावर लक्ष ठेवण्याची जबाबदारी दिली जाण्याची शक्यता आहे. एखाद्या मंत्र्याने गैरव्यवहार केला, तर त्याचा मनसे नेते पाठपुरावा करतील. हे सर्व नेते पक्षाध्यक्ष राज ठाकरे यांना मंत्र्याचं रिपोर्ट कार्ड देतील.राज्य सरकारच्या कामावर नजर ठेवण्याचं काम शॅडो कॅबिनेटद्वारे करण्यात येणार आहे. महाराष्ट्र नवनिर्माण सेनेची शॅडो कॅबिनेट राज्यातील प्रत्येक मंत्र्यांच्या कामावर लक्ष ठेवणार आहे. तसंच गैरव्यवहार होत असल्याचं त्याचा अहवाल मनसे प्रमुख राज ठाकरे यांच्याकडे सोपवणार आहे.

यामध्ये महाराष्ट्र नवनिर्माण सेनेचे अविनाश अभ्यंकर, बाळा नांदगावकर, नितीन सरदेसाई, संदीप देशपांडे, अविनाश जाधव, जयप्रकाश बाविस्कर अशा नेत्यांची वर्णी लागण्याची शक्यता आहे. या नेत्यांकडून महाविकास आघाडीच्या मंत्र्यावर लक्ष ठेवण्याची जबाबदारी देण्यात आली आहे. राज्य सरकारच्या मंत्र्यानी कोणताही गैरव्यवहार केला तर त्याचा पाठपुरावा केला जाईल त्यानंतर याचा संपूर्ण अहवाल पक्षाचे अध्यक्ष राज ठाकरे यांच्याकडे सुपूर्द करण्यात येईल.

Web Title:  MNS party Shadow cabinet to keep readers ministers in Maha Vikas Aghadi.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.