कोरोना आपत्ती | मुंबईकरांसाठी थेट परदेशातून लसी मागवण्यासंदर्भातील चाचपणी सुरु

मुंबई, ११ मे | राज्याच्या कोरोनास्थितीबाबा एक अत्यंत दिलासादायक बातमी येत आहे. फेब्रुवारी महिन्यापासून कोरोनाच्या दुसऱ्या लाटेचा मोठ्या प्रमाणात वाढलेले संसर्ग आता नियंत्रणात येत असल्याचे पाहायला मिळत असून राज्यतील कोरोनाबाधितांच्या आकड्यात घट होत आहे. राज्यातील दररोज वाढणारा कोरोनाबाधितांचा तब्बल महिन्याभराहून अधिक काळानंतर आज (१० मे) थेट ४० हजारांच्या खाली गेला असून राज्यासाठी ही अत्यंत दिलासादायक बाब आहे.

अधिकृत आकडेवारीनुसार, राज्यात गेल्या २४ तासांत ३७ हजार २३६ नव्या कोरोनाबाधितांची नोंद झाली आहे. तर याच एका दिवसात तब्बल ६१ हजार ६०७ जणांनी कोरोनावर मात केली आहे. एकीकडे कोरोनाबाधितांच्या आकड्यातली लक्षणीय घट तर दुसरीकडे कोरोनमुक्तांचा मोठा आकडा ही राज्यासाठी निश्चितच सकारात्मक बाब आहे.

दरम्यान, सध्या राज्य सरकारने तुटवडा असला तरी लसीकरण मोहिमेवर जोर दिला आहे. मुंबईचे पालकमंत्री आदित्य ठाकरे यांनी हा लस तुटवडा भरुन काढण्यासाठी परदेशातून लसी मागवण्यासंदर्भात भाष्य केलं आहे. करोना लसीकरण मोहीम सुरळीत आणि जास्त प्रभावीपणे पार पडावी यासंदर्भात राज्याचे मुख्यमंत्री उद्धव ठाकरे यांच्याशी मी मुंबईचा पालकमंत्री या नात्याने चर्चा केली. त्यानंतर आम्ही मुंबई महानगरपालिकेला परदेशातून (मुंबईकरांसाठी) लसी मागवता येईल का यासंदर्भातील शक्यता तपासून पाहण्यास सांगितलं आहे,” असं पर्यावरण मंत्री आदित्य ठाकरे म्हणाले.

News English Summary: Currently, the state government is pushing for a vaccination campaign despite the shortage. Mumbai’s Guardian Minister Aditya Thackeray has commented on ordering vaccines from abroad to fill the shortage. As the Guardian Minister of Mumbai, I had a discussion with the Chief Minister of the State, Uddhav Thackeray, regarding the smooth and effective conduct of the Corona Vaccination Campaign.

News English Title: Mumbai BMC is considering about to import corona vaccine from foreign countries for Mumbaikars news updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.