मुंबई काँग्रेस अध्यक्षपद | माजी आरोग्यमंत्री सुरेश शेट्टी आणि भाई जगताप यांची नावं चर्चेत

मुंबई, १७ डिसेंबर: मुंबई विभागीय काँग्रेसच्या अध्यक्षपदासाठी काँग्रेसचे आ. भाई जगताप, माजी आरोग्यमंत्री सुरेश शेट्टी, चरणसिंह सप्रा अशी नावे चर्चेत असल्याचे समजते. काँग्रेस पक्षाचे प्रभारी एच. के. पाटील यांनी आगामी निवडणुका लक्षात घेऊन राज्यातील तसेच मुंबईतील पक्ष संघटनेत बदल करण्याचे संकेत यापूर्वीच दिले होते. या पार्श्वभूमीवर काँग्रेसच्या मुंबई अध्यक्षपदासाठी इच्छूकांच्या समर्थकांनी जोरदार मोर्चेबांधणी केली आहे.

मुंबई काँग्रेस अध्यक्षपद बदलण्यासाठी जोरदार हालचाली सुरु झाल्याची माहिती आहे. विद्यमान अध्यक्ष आणि माजी खासदार एकनाथ गायकवाड (Former MP Eknath Gaikwad) यांच्याविषयी मुंबई काँग्रेस पक्षांतर्गत प्रचंड नाराजी वाढल्याची चर्चा आहे. त्यामुळे मुंबई काँग्रेसचे खांदेपालट होणार, की गायकवाडांवरील जबाबदारी कायम राहणार, याची उत्सुकता वाढली आहे.

मुंबईतील नेत्यांची दिल्लीत ये-जा वाढली आहे. मुंबईचे पालकमंत्री अस्लम शेख (Minister Aslam Shaikh) काल, तर एकनाथ गायकवाड यांच्या कन्या आणि शालेय शिक्षण मंत्री वर्षा गायकवाड (Education Minister Varsha Gaikwad) आज दिल्लीत आहेत. मुंबई काँग्रेस अध्यक्षपद बदलण्याच्या चर्चांना जोर आला असतानाच या भेटीगाठींना महत्त्व प्राप्त झालं आहे.

महाविकास आघाडीतील शिवसेना आणि राष्ट्रवादी काँग्रेसने पक्षसंघटना वाढीवर भर दिला आहे. मुंबईत काँग्रेसला मानणारा वर्ग मोठ्या प्रमाणात असला, तरी त्यांच्यापर्यंत संघटनेच्या माध्यमातून जाणे आणि आगामी महापालिका निवडणुकांसाठी पक्षाची तयारी करणे यासाठी विद्यमान अध्यक्ष एकनाथ गायकवाड यांच्या जागी नवीन व्यक्तीची नेमणूक व्हावी, असा काहींचा आग्रह आहे.

News English Summary: Congress MLA for the post of President of Mumbai Divisional Congress. It is understood that names like Bhai Jagtap, former health minister Suresh Shetty, Charan Singh Sapra are being discussed. Congress party in-charge H. K. Patil had earlier hinted at making changes in the party organization in the state as well as in Mumbai in view of the forthcoming elections. Against this backdrop, supporters of the aspirants for the Mumbai presidency of the Congress have formed a strong front.

News English Title: Mumbai congress president Suresh Shetty and MLA Bhai Jagtap in competition news updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.