महाविकास आघाडीतील मंत्री अस्लम शेख यांना कोरोनाची लागण

मुंबई, २० जुलै : देशभरात कोरोनाचा सर्वाधिक फटका महाराष्ट्राला बसला आहे. महाराष्ट्राची राजधानी मुंबईत कोरोनाचे सर्वाधिक रुग्ण आढळले आहेत. आता मुंबईच्या पालकमंत्र्यांनाच कोरोनाने ग्रासले आहे. मुंबईचे पालकमंत्री आणि काँग्रेस नेते अस्लम शेख यांना कोरोनाची लागण झाली आहे. अस्लम शेख यांनी ट्विटरवरुन याबाबत माहिती दिली आहे.

‘मी कोरोना पॉझिटिव्ह आढळलो आहे. मला सध्या कोणतीही लक्षणे नसून मी स्वतःला विलग करून घेत आहे’, असे ट्विट अस्लम शेख यांनी केले आहे. त्याचबरोबर त्यांनी आपल्या संपर्कात आलेल्या सर्वांना स्वतःची कोरोना चाचणी करून घेण्याची विनंतीही केली आहे. तसेच ‘मी माझ्या राज्यातील लोकांची सेवा करण्यासाठी घरातून काम करत राहणार आहे’, असेही अस्लम शेख यांनी सांगितले आहे.

This is to inform that I’ve tested positive for #COVID19. I’m currently asymtomatic and isolating myself.

I request all those who have come in close contact with me to get themselves tested.

I will continue to work from home to serve the people of my state. 🙏🏻

— Aslam Shaikh, INC (@AslamShaikh_MLA) July 20, 2020

दरम्यान, राज्यात याआधीही अनेक बड्या नेत्यांना कोरोनाची लागण झाली होती. यामध्ये गृहनिर्माण मंत्री जितेंद्र आव्हाड, सामाजिक न्यायमंत्री धनंजय मुंडे, सार्वजनिक बांधकाममंत्री अशोक चव्हाण यांच्यासह इतर काही नेत्यांचा समावेश आहे.

दरम्यान, महाराष्ट्रातील कोरोनाबाधितांची संख्या दिवसेंदिवस आणखीनच वाढत आहे. रविवारी राज्यात कोरोनाच्या 9518 नवीन रुग्णांचे निदान झाले असून सध्या राज्यात 1 लाख 28 हजार 730 रुग्णांवर (ॲक्टिव्ह) उपचार सुरू आहेत, अशी माहिती आरोग्यमंत्री राजेश टोपे यांनी दिली. रविवारी 3906 रुग्ण बरे होऊन घरी गेले आहेत. रुग्ण बरे होण्याचे प्रमाण 54.62 टक्के असून आतापर्यत एकूण संख्या 1 लाख 69 हजार 569 झाली आहे.

News English Summary: Mumbai’s Guardian Minister has been attacked by Corona. Mumbai Guardian Minister and Congress leader Aslam Sheikh has contracted corona. Aslam Sheikh has informed about this on Twitter.

News English Title: Mumbai Guardian minister Aslam Shaikh tested positive for corona News Latest Updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.