'या' वेळेत खुली राहणार मुंबईतील दुकानं; बीएमसीची सुधारीत नियमावली

मुंबई, ९ जून : मागील अडीच महिन्यापासून लॉकडाउनमुळे ठप्प झालेली मुंबईनगरी लॉकडाउनच्या पाचव्या टप्प्यात हळूहळू पूर्वपदावर येत आहे. केंद्र आणि राज्य सरकारच्या सुचनेनंतर अनेक अटी शिथिल करण्यात आल्या आहे. मुंबईतील लॉकडाउनबाबत पालिकेकडून आणखी अटी शिथिल करण्यात आल्या आहेत.

मिशन बिगेन अगेन म्हणत राज्य सरकारने लॉकडाउनमधून बाहेर पडण्यासाठी २ जून रोजी नियामवली प्रसिद्ध केली होती. याच नियमावलीनुसार मुंबई महापालिकेकडून सुधारीत परिपत्रक प्रसिद्ध करण्यात आले आहे. या सुधारीत पत्रकानुसार, मुंबईतील दुकानं उघडण्यास परवानगी देण्यात आली आहे. परंतु, एका दिवसात एकाच लेनची दुकानं उघडता येणार आहे. सोमवार ते शनिवारपर्यंत दुकानं उघडता येतील, रविवारी दुकानं बंद ठेवावी लागणार आहे.

मुंबई महापालिका आयुक्त इक्बालसिंह चहल यांनी एक सुधारित नियमावली जारी केली आहे. यामध्ये सर्व मार्केट, मार्केट परिसर आणि दुकानं पूर्ण वेळ उघडता येणार असल्याचं नमूद केलं आहे. मात्र, यात मॉल आणि मार्केट कॉम्पलेक्स सुरू करण्यास अजूनही परवानगी देण्यात आली नाहीये. मुंबई महापालिकेनं काही अटींचा उल्लेखही केला आहे.

सम- विषम या तत्वावर दुकानं सुरू ठेवण्याचा नियम पालिकेनं कायम ठेवला आहे. रस्त्याच्या एका बाजूची दुकानं एका दिवशी तर दुसऱ्या बाजुची दुकानं दुसऱ्या दिशी सुरू राहतील. तसंच, दुकानदारांनी सोशल डिस्टनसिंग व वाहतूकीची व्यवस्था करावी अशा सूचना पालिकेनं केल्या आहेत. ओपन एअर जिम, गार्डनमधील उपकरणं, बार यांसाठी परवानगी नसल्याचंही पालिकेनं स्पष्ट केलं आहे.

मुंबई पालिकेच्या सुधारीत पत्रकातील प्रमुख मुद्दे;

• खेळाच्या मैदानांवरील झुला किवा इतर खेळाच्या साहित्याचा वापर करता येणार नाही, ओपन एअर जिमच्या साहित्याचा वापरावर निर्बंध
• दुकानं उघडली जातील, पण रस्त्याच्या एका बाजूची दुकान उघडी ठेवली तर दुसऱ्या बाजूकडील दुकानं बंद ठेवली जावी
• दुकाने पूर्णवेळ(साधारणपणे जितका वेळ असतात) उघडी राहतील
• दुकाने सोमवार ते शनिवार उघडी राहणार तर रविवारी बंद राहतील
• वृत्तपत्रांची घरी डिलिव्हरी करण्यासाठी मुभा, पण मास्क आणि इतर सुरक्षेच्या उपाययोजनांच पालन करावे लागेल
• शैक्षणिक संस्था जसे कॉलेज, विद्यापीठ, शाळामधील कर्मचारी वर्ग आणि शिक्षकांना कामावर जाता येईल पण शिकवण्याच्या कामाव्यरिक्त इतर कामांसाठी
• मुंबईच्या उपनगरातील एका जिल्ह्यातून दुसऱ्या जिल्ह्यात ये जा करणाऱ्या मजूर, नोकरदारांना कोणत्याही परवानगी आवश्यकता भासणार नाही.

News English Summary: Mumbai, which has been stalled for the last two and a half months due to lockdown, is slowly recovering in the fifth phase of the lockdown. A number of conditions have been relaxed following the suggestion of the Central and State Governments. The municipality has relaxed more conditions regarding lockdown in Mumbai.

News English Title: Mumbai municipality has relaxed more conditions regarding lockdown in Mumbai News Latest Updates.