मुंबई पोलिसांनी आजपर्यंत ११० योद्धे कोरोनामुळे गमावले, तर राज्यात एकूण ४२७ पोलिसांचा कोरोनाने मृत्यू

मुंबई, ०९ मे | राज्यात काल दिवसभरात 53 हजार 605 नवीन रुग्णांची नोंद झाली आहे. तर त्याचवेळी 82 हजार 266 रुग्ण करोनावर मात करून घरी परतले आहेत. एकाच दिवसात इतक्या मोठ्या संख्येने रुग्ण कोरोनामुक्त होण्याची ही पहिलीच वेळ आहे. त्यामुळे राज्यासाठी हा खूप मोठा दिलासा आहे. मुख्य म्हणजे यामुळे अॅक्टिव्ह रुग्णांचा आकडा 6 लाख 28 हजार 213 इतका खाली आला आहे. महाराष्ट्रात कोरोना रुग्णांचा आकडा दिवसेंदिवस वाढत आहे.

देशात अनेक राज्यांमध्ये लॉकडाऊन सदृश कडक निर्बंध लागू आहेत. दरम्यान, कोरोना महामारीत मागील वर्षभरापासून डॉक्टरांसोबतच पोलीस दलाचं योगदान देखील फार मोठं आहे. यात खरंतर मुंबई पोलिसांचे आभार मानावे तेवढे कमीच म्हणावे लागतील. कारण देशाच्या सुरक्षा दलांमध्ये मुंबई पोलिसांना कोरोनाचा सर्वाधिक फटका बसला आहे. मागील वर्षीच्या एप्रिल महिन्यापासून ते आतापर्यंत मुंबई पोलिसांनी ११० योद्धे कोरोनामुळे गमावले आहेत. तर महाराष्ट्रात आतापर्यंत एकूण ४२७ पोलिसांचा कोरोनामुळे मृत्यू झाला आहे. यातील ५४ जणांच्या यंदाच्या एप्रिल महिन्यात कोरोनाच्या दुसऱ्या लाटेत मृत्यू झाला आहे.

मुंबई पोलीस शहरात गस्त घालणं असो लसीकरण केंद्र असो किंवा मग क्वारंटाइन सेंटर असो अशा सर्व ठिकाणी आपलं कर्तव्य बजावताना दिसत आहेत. यात कोरोनाच्या परिस्थितीमुळे कामाचा ताण वाढल्यानं काही पोलिसांना रोज घरी देखील जाता येत नाहीय. लॉकडाऊनच्या नियमांची कडक अंमलबजावणी करण्याची जबाबदारी पोलिसांवर देण्यात आलीय त्यामुळे एप्रिल-मेच्या कडक उन्हात त्यांना पहारा द्यावा लागतोय.

दरम्यान, महाराष्ट्र सरकारनं कोरोनामुळे मृत्यू झालेल्या पोलीस कर्मचाऱ्यांच्या कुटुंबियांना ५० लाखांची मदत आणि कुटुंबातील सदस्याला पोलीस दलात नोकरी देण्याचं याधीच जाहीर केलं होतं. पण ही योजना देखील गेल्या वर्षीच्या डिसेंबर महिन्यापासून मागे घेण्यात आली आहे.

News English Summary: Since April last year, Mumbai police have lost 110 warriors to corona. In Maharashtra, a total of 427 policemen have died due to corona so far. Of these, 54 died in the second wave of corona in April this year.

News English Title: Mumbai Police is the worst affected force in the country when it comes to Covid19 deaths news updates.