आजपासून मुंबईमध्ये टोल दरात वाढ | टोल दर वाढीविरोधात मनसे आक्रमक

मुंबई, १ ऑक्टोबर: आजपासून म्हणजेच 1 ऑक्टोबर पासून मुंबई (Mumbai) मधील टोल दरात (Toll Rates) वाढ होणार आहे. त्यामुळे मुंबईमध्ये प्रवास करणाऱ्यांना 5 ते 25 रुपयांपर्यंत टोल भरावा लागणार आहे. वाढलेले नवे दर 30 सप्टेंबर 2023 पर्यंत कायम राहणार आहेत. मुंबई (Mumbai), मुलुंड (Mulund), वाशी (Vashi), ऐरोली (Airoli) आणि दहिसर (Dahisar) मधून मुंबई एंट्री पॉईंट बुथवर (Mumabi Entry Point Booth) 1 ऑक्टोबरपासून टोलदर वाढणार आहेत. टाईम्स ऑफ इंडियाच्या रिपोर्टनुसार, प्रवासी कारच्या एकतर्फी प्रवासासाठी 35 रुपये मोजत होते. त्याऐवजी आता 40 रुपये टोल भरावा लागणार आहे. 35 रुपयांचा टोल गेल्या 6 वर्षांपासून लागू होता.

राज्य सरकारच्या अधिसूचनेनुसार, एमएमआर क्षेत्रात 55 उड्डाणपूल बांधकामाचा खर्च वसूल करण्यासाठी 2002 ते 2027 या कालावधीत 25 वर्षे टोल वसुली करण्यात येणार आहे. मुंबई एन्ट्री पॉईंट टोल लिमिटेड (एमईपीएल) ला 2027 पर्यंत 11,500 कोटी रुपयांचा निधी टोल वसूलीतून मिळण्याची आशा आहे.

याविरोधात महाराष्ट्र नवनिर्माण सेनेने आंदोलन करण्याचा प्रयत्न केला. मात्र, पोलिसांनी आंदोलनकर्त्यांना ताब्यात घेतले. मुंबईत आजपासून टोलचे दर वाढले आहेत. आधीच महागाई आणि कोरोनामुळे कंबरडे मोडलेल्या सर्वसामान्यांना वाढलेल्या टोल दरांचा सामना करावा लागणार आहे. आजपासून टोलच्या दरात ५ ते २५ रूपयांची वाढ झाली आहे. याविरोधात मनसेने आंदोलन केले. काही वाहनांना पैसे देऊ नये, असे सांगत गाड्या टोलनाक्यावरुन मार्गस्थ केल्या.

मुंबईतील टोल दरवाढीविरोधात मनसेने टोल नाक्यावर आंदोलन केले. नवी मुंबईतल्या ऐरोली टोल नाक्यावर आंदोलन करून टोल रद्द करण्याची मागणी मनसेनं केली आहे. टोल मासिक पासाचे दरही वाढतील. त्यामुळे महागाईत अधिकच भर पडेल. एकीकडे रोज वाहतूक कोंडीत अडकणाऱ्यांना सर्वसामान्य मुंबईकरांना आता मुंबईत प्रवेश करण्यासाठी वाढीव दराने टोल भरावा लागणार आहे. त्यामुळे हे आंदोलन करण्यात आले, असे मनसेकडून सांगण्यात आले.

News English Summary: The toll of Rs.35 has been constant for six years. The new rates will be applicable till September 30, 2023. For light commercial vehicles (LCVs), the toll has been increased by Rs.10 one-way to Rs.65, and for trucks and buses by Rs.25 each way to Rs.130. For multi-axle vehicles (MAVs), the increase is of Rs25 to Rs160.

News English Title: Mumbai toll rates increase from today checkout new rates Marathi News LIVE latest updates.