रोहित पवारांनी सावरली फडणवीसांची बाजू | नेटकाऱ्याला म्हणाले असं बोलणं योग्य नव्हे

मुंबई, २६ ऑक्टोबर : राज्याचे विरोधी पक्षनेते आणि बिहार विधानसभा निवडणुकीचे प्रभारी देवेंद्र फडणवीस यांना करोना झाल्याचं निदान झालं होतं. फडणवीस यांनी ट्विट करून याची माहिती दिली होती. गेल्या काही दिवसांपासून फडणवीस हे महाराष्ट्र व बिहार असा दोन्ही ठिकाणी फिरतीवर होते. बिहारमध्ये प्रचारामुळे ते सातत्यानं दौऱ्यावर होते. तर काही दिवसांपूर्वी महाराष्ट्रात अतिवृष्टी झाल्यानं त्यांनी पाहणी केली होती.

देवेंद्र फडणवीस यांनी ट्वीट करुन सांगितले होतं की लॉकडाऊन सुरू झाल्यापासून आलेला प्रत्येक दिवस हा कार्यरत राहण्यात गेला. पण आता काही काळ विश्रांती घेतली पाहिजे, असा संकेत दिसतो. माझी कोविड चाचणी पॉझिटिव्ह आली असून मी स्वतःला आयसोलेट केले आहे. डॉक्टरांच्या सल्ल्यानुसार औषधोपचार घेतो आहे असं त्यांनी सांगितलं होतं.

त्यानंतर एका नेटकऱ्यानं फडणवीस बिहारच्या निकालामुळे नाटक करत असल्याचं ट्विट केलं होतं. त्यात त्याने म्हटले आहे की, ‘कोरोना वगैरे काही नाही, बिहार मध्ये बीजेपी १००% हरणार आहे हे त्यांना स्पष्ट दिसतंय आणि त्याचं खापर आपल्यावर फुटु नये म्हणून हे कोरोनाचं नाटक… बाकी काही नाही दादा’.

त्यावरून आमदार रोहित पवार यांनी त्याला सुनावलं आहे. “देवेंद्रजी फडणवीस यांच्याकडं जबाबदार पद आहे आणि आरोग्याच्या बाबतीत कुणी खोटं बोलत नसतं. त्यामुळं त्यांच्याबाबत असं बोलणं योग्य नाही, त्यांचा आपण सन्मान ठेवलाच पाहिजे. दुसरा मुद्दा मात्र खरा आहे. बिहारमध्ये भाजप हरणार असं अनेकजण बोलतायेत आणि अनेकजण ते कबूलही करतायेत,” असं रोहित पवार म्हणाले.

देवेंद्र जी फडणवीस यांच्याकडं जबाबदार पद आहे आणि आरोग्याच्या बाबतीत कुणी खोटं बोलत नसतं, त्यामुळं त्यांच्याबाबत असं बोलणं योग्य नाही, त्यांचा आपण सन्मान ठेवलाच पाहिजे.
दुसरा मुद्दा मात्र खरा आहे. बिहारमध्ये भाजप हरणार असं अनेकजण बोलतायेत आणि अनेकजण ते कबूलही करतायेत. https://t.co/K04fKRjkIk

— Rohit Pawar (@RRPSpeaks) October 25, 2020

News English Summary: Devendraji Fadnavis has a responsible position and no one is lying about health. Therefore, it is not right to talk about them like that, we must respect them. The second point, however, is true. In Bihar, many people say that BJP will lose and many people even admit it, ”said Rohit Pawar.

News English Title: NCP MLA Rohit Pawar reply his supporter about Devendra Fadnavis coronavirus infection News Updates.