कितीही प्रयत्न केले तरी बॉलिवूड वेगळं केलं जाणार नाही | सुप्रिया सुळेंची प्रतिक्रिया

बारामती, १ डिसेंबर: मिळालेल्या माहितीनुसार, योगी आदित्यनाथ 1 डिसेंबर रोजी मुंबईला येण्यासाठी उत्तर प्रदेशमधून रवाना होतील. ते 1 डिसेंबरच्या रात्री मुंबईत पोहोचतील. त्यानंतर 2 डिसेंबर रोजी ते मुंबई शेअर बाजाराला भेट देतील. यावेळी योगी त्यांच्या दौऱ्यात महाराष्ट्रातील उद्योगपती, तसेच बॉलिवूड निर्मात्यांसोबत बैठक घेतील. या बैठकीत उद्योगपती तसेच बॉलिवूड निर्मात्यांना उत्तर प्रदेशात गुंतवणूक करण्याचे ते आवाहन करतील. रतन टाटा, आदित्य बिरला असे बडे उद्योगपती या बैठकीत सहभागी होतील.

मात्र कितीही प्रयत्न केले तरी बॉलिवूड वेगळं केलं जाणार नाही, कारण मुंबई आणि बॉलिवूडचं दुधात साखर विरघळते, असं नातं आहे, असं एनसीपीच्या खासदार सुप्रिया सुळे म्हणाल्या आहेत. युपीचे मुख्यमंत्री योगी आदित्यनाथांचे मुंबईत स्वागत आहे, परंतु कितीही प्रयत्न केलेत तरी बॉलिवूड वेगळं केलं जाणार नसल्याचं देखील एनसीपीच्या खासदार सुप्रिया सुळे यांनी प्रसार माध्यमांसमोर स्पष्ट केले आहे.

बारामती मतदान केंद्रावर राष्ट्रवादीच्या खासदार सुप्रिया सुळे मतदानासाठी आल्या होत्या, त्यावेळी त्यांनी प्रसार माध्यमांकडे ही प्रतिक्रिया दिली. महाविकास आघाडी सरकार पडणार असल्याचं विरोधक सतत म्हणत असल्याचं विचारलं असता त्या म्हणाल्या, संघटना आणि कार्यकर्ते टिकवून ठेवण्यासाठी त्यांना असं बोलावं लागतं, त्यांना महाविकास घडी सरकारविरोधात बोलण्यासारखं काहीच उपलबध नसल्याने केवळ सरकार पडणार असं बोलतायत, असं देखील सुप्रिया सुळे म्हणाल्या आहेत.

News English Summary: According to information received, Yogi Adityanath will leave Uttar Pradesh for Mumbai on December 1. They will reach Mumbai on the night of December 1. He will then visit the Bombay Stock Exchange on December 2. During his visit, Yogi will hold meetings with industrialists from Maharashtra as well as Bollywood producers. He will appeal to industrialists as well as Bollywood producers to invest in Uttar Pradesh. Big businessmen like Ratan Tata and Aditya Birla will be present at the meeting.

News English Title: NCP MP Supriya Sule to CM Yogi Aadityanath on shifting Mumbai film city in Uttar Pradesh News updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.