शरद पवार हेच राज्य चालवतात | उद्धव ठाकरेंना बोलून काहीच उपयोग नाही

मुंबई, २९ ऑक्टोबर: मुख्यमंत्री उद्धव ठाकरे यांनी राज्यात एकहाती भगवा फडकला पाहिजे असे म्हटले. त्यावरुन चर्चांना सुरुवात झाली. यावर विरोधी पक्ष नेते आणि भाजपचे प्रदेशाध्यक्ष चंद्रकांत पाटील यांनी टीका केली आहे. पक्ष वाढवण्यासाठी भगवा एकहाती फडकवा असं बोलणं गैर नाही, सगळेच आपापला पक्ष वाढवत असतात. पण आम्ही प्रत्यक्षात ती कृती करून दाखवतो अशा शब्दात चंद्रकांत पाटील यांनी मुख्यमंत्री उद्धव ठाकरेंना टोला लगावला आहे. तसेच उद्धव ठाकरे घराबाहेर पडत नाही, शरद पवार घराबाहेर पडतात असंही चंद्रकांत पाटील म्हणाले आहेत.

आजही राज्यपालांनी राष्ट्रवादीचे सर्वेसर्वा शरद पवार यांचा सल्ला घेण्यास राज ठाकरे यांना सांगितले. यावरून शरद पवार हेच राज्य चालवतात. मुख्यमंत्री उद्धव ठाकरे यांना बोलून काही उपयोग नाही, अशी खोचक टीका भाजप नेते चंद्रकांत पाटील यांनी केली.

चंद्रकांत पाटील म्हणाले कि, उद्धव ठाकरे घराबाहेर पडत नाही. कदाचित मी खुर्चीत बसतो. तुम्ही सत्ता चालवण्याचे कंत्राट घ्या, असा उद्धव ठाकरे आणि शरद पवारांमध्ये करार झाला असावा. सध्या लोकांना शरद पवार आणि विरोधी पक्षनेते देवेंद्र फडणवीस सहज उपलब्ध होतात. त्यामुळे उद्धव ठाकरेंना कशाला भेटायचे अशी नागरिकांची भावना झाली आहे. ही वस्तुस्थिती आहे.

News English Summary: The governor asked Raj Thackeray to consult NCP supremo Sharad Pawar. From this, Sharad Pawar runs the state. There is no point in talking to Chief Minister Uddhav Thackeray, said BJP leader Chandrakant Patil.

News English Title: NCP President Sharad Pawar is ruling the state not CM Uddhav Thackeray said MLA Chandrakant Patil News updates.