TRP Scam | बोगस कंपन्यांमार्फत आर्थिक उलाढाल | अजून एकाला अटक

मुंबई, २४ ऑक्टोबर : टीआरपी घोटाळ्यात (TRP Scam Case) दिवसागणिक नवनवीन प्रकार समोर येत असून या प्रकरणात संशयित असलेल्या वाहिन्यांनी आणि त्यांच्यासाठी काम करणाऱ्या आरोपींनी आर्थिक व्यवहारासाठी बोगस कंपन्या थाटल्या होत्या असे तपासातून उघड झाले आहे. आर्थिक व्यवहाराचे काही पुरावे मुंबई पोलिसांच्या हाती लागले आहेत. गुन्हे शाखेच्या विशेष पथकाने गुरुवारी रात्री पवई येथून हरिष पाटील (४५) या व्यक्तीला अटक के ली. पाटीलच्या नावे सात कंपन्यांची नोंद आह.

मुंबई पोलिसांनी टीआरपी घोटाळ्याच्या तपासासाठी गुन्हे शाखेचे विशेष पथक (Mumbai Police Crime Branch) नेमले असून आरोपींना पकडण्यासाठी वेगवेगळी पथके तयार करण्यात आली आहेत. यातील एका पथकाने गुरूवारी हरिष पाटील याला अटक केली. पाटीलच्या नावे सात कंपन्यांची नोंद असून त्यापैकी कॅप्स लॉक डीजीटल सोल्यूशन नावाच्या कंपनीद्वारे एका संशयीत वाहिनीचे आर्थिक व्यवहार समोर आले आहेत. पथकाने प्रत्यक्ष शहानिशा केली असता दिलेल्या पत्त्यावर अशी कोणतीही कंपनी आढळली नाही. या कंपनीचे देशभरात १४२२ वेण्डर असून पाटील त्यापैकी एक आहे. पाटील याच्या अटकेने या घोटाळ्यातील अटक आरोपींची संख्या ९ वर पोहचली आहे. रिपब्लीक वाहिनीचे सीएफओ शीवा सुंदरम अणि वितरण विभागाचे प्रमुख घनश्याम सिंग यांची शुक्रवारी तिसऱ्यांदा चौकशी करण्यात आली.

तत्पूर्वी, आर्थिक व्यवहारांचा तपास करण्यासाठी न्यायवैद्यक पर्यवेक्षक (फॉरेन्सिक ऑडिटर) नेमण्याचा निर्णय घेतल्याचे गुन्हे शाखेच्या वरिष्ठ अधिकाऱ्याने सांगितले होते. आतापर्यंतच्या तपासात टीआरपी घोटाळयात सहभागी असलेल्या फक्त मराठी, बॉक्स सिनेमा आणि रिपब्लिक टीव्ही यांच्या बँक खात्यांवरून कोटय़वधींचे व्यवहार घडले आहेत. या व्यवहारांची गुंतागुंत उलगडण्यासाठी फॉरेन्सिक ऑडिटरची मदत होईल, असे या अधिकाऱ्याने सांगितले होते. त्या तपासासाठीच फक्त मराठी आणि बॉक्स सिनेमा यांची खाती गोठवण्यात आल्याचेही गुन्हे शाखेने स्पष्ट केले होते. विशेष पथकाने सोमवारी हंसा कंपनीचे मुख्य कार्यकारी अधिकारी प्रवीण निझाम यांचा जबाब तर उपव्यवस्थापक नितीन देवकर यांचा पुरवणी जबाब नोंदवला होता.

News English Summary: The TRP scam is emerging day by day and the investigation has revealed that the channels suspected in the case and the accused working for them had set up bogus companies for financial transactions. Mumbai police have found some evidence of financial transactions. A special squad of Crime Branch arrested Harish Patil (45) from Powai on Thursday night. There are seven companies registered in Patil’s name.

News English Title: One more accused arrested by Mumbai Police crime branch in TRP scam case News Updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.