महत्वाच्या बातम्या

• 

  खाजगी रुग्णालयाकडून सहकार्य मिळत नसल्याने आरोग्य मंत्र्यांकडून रात्री इस्पितळांना भेटी

  कोरोनाच्या पार्श्वभूमीवर खासगी रुग्णालयातील ८० टक्के खाटा राज्य शासनाने ताब्यात घेतल्या आहेत. मात्र अद्यापही काही ठिकाणी रुग्णांना खासगी रुग्णालयांकडून अपेक्षित ते सहकार्य होत नसल्याच्या तक्रारी येत आहेत. त्याची दखल घेऊन आरोग्यमंत्री राजेश टोपे यांनी काल रात्री मुंबईतील खासगी रुग्णालयांना अचानक भेटी दिल्या. मंगळवारी पहाटे दोन वाजेपर्यंत आरोग्यमंत्री रुग्णालयातील खाटांच्या उपलब्धतेबाबत माहिती घेत होते.

  5 वर्षांपूर्वी
• 

  तज्ज्ञ डॉक्टर चित्तरंजन भावे यांचा मुंबईत कोरोनाने मृत्यू

  जगभरातील कोरोनाचा सर्वाधिक फटका बसलेल्या देशांच्या यादीत भारत सातव्या क्रमांकावर पोहोचला आहे. भारतात गेल्या २४ तासांत तब्बल ८,१७१ नव्या रुग्णांची नोंद झाल्याने एकूण कोरोनाबाधितांचा संख्या १ लाख ९७ हजार ५८१ वर पोहोचली आहे. तर २४ तासांत २०४ कोरोना रुग्णांनी आपला जीव गमावल्याने देशातील कोरोनाबळींची संख्या ५ हजार ५९८ इतकी झाली आहे.

  5 वर्षांपूर्वी
• 

  वादळाच्या पार्श्वभूमीवर बीकेसीच्या कोविड सेंटरमधून रुग्णांना हलवण्याचं काम सुरु

  कोरोना महामारीच्या संकटाबरोबरच आता पश्चिम महाराष्ट्राच्या कोकण किनारपट्टीवर आणि मध्य महाराष्ट्रात ‘निसर्ग’ चक्रीवादळाचे संकट उभे राहिले आहे. ३ जून रोजी हे चक्रीवादळ उत्तर महाराष्ट्र आणि दक्षिण गुजरातमधून जाणार आहे. या वादळाचा फटका रत्नागिरी, ठाणे, पालघरसह मुंबईलाही बसण्याची शक्यता आहे.

  5 वर्षांपूर्वी
• 

  सोशल डिस्टन्सिंगचा फज्जा; रेल्वेत प्रचंड गर्दी; कर्मचाऱ्यांचा रेलरोको

  कोरोना प्रादुर्भावाच्या काळातही काम करणाऱ्या रेल्वे कर्मचाऱ्यांवर आज आंदोलन करण्याची वेळ आली. या कामगारांची ने-आण करण्यासाठी शटल सेवा सुरू करण्यात आली आहे. मात्र या रेल्वेत प्रचंड गर्दी होत असून चढायलाही जागा मिळत नसल्याने या कामगारांनी अखेर आज रेल्वे रोको केला.

  5 वर्षांपूर्वी
• 

  त्यांना 'कोरोना ग्रॅज्युएट' तर संबोधले जाणार नाही ना? - आ. आशिष शेलार

  आम्हाला ‘कोरोना ग्रॅज्युएट’ तर संबोधले जाणार नाही ना? आम्हाला अशा नव्या बिरुदावलीने तर ओळखले जाणार नाही ना? ATKT असलेल्या 40% विद्यार्थ्यांना नापास करणार का? पदवी अंतिम वर्षे विद्यार्थ्यांच्या मनात भयगंड निर्माण केलेल्या अशा प्रश्नांकडे लक्ष वेधत भाजपा नेते, माजी शिक्षणमंत्री आमदार ऍड आशिष शेलार यांनी मुख्यमंत्र्यांना पत्र लिहिले आहे.

  5 वर्षांपूर्वी
• 

  केईएम रूग्णालय कोविड ICU कक्ष, नर्स-वॉर्डबॉय बराच वेळ गायब, रुग्णांचे प्रचंड हाल

  केईएम रुग्णालयाती आणखी एक खळबळनजक प्रकार समोर आला आहे. केईएमच्या कोवीड अतिदक्षता विभागातील नर्स आणि वॉर्डबॉय तासोनतास गायब असल्याची माहिती समोर आली आहे. त्यामुळे अतिदक्षता विभागातील रुग्णांचे प्रचंड हाल होत आहेत.

  5 वर्षांपूर्वी
• 

  मुंबई पोलिसांच्या नियंत्रण कक्ष ट्विटर सेलमधील ८ पोलिस कोरोना पॉझिटिव्ह

  महाराष्ट्रात कोरोनाचे थैमान सुरूच आहे. रविवारी दिवसभरात २ हजार ४८७ नव्या रुग्णांची भर पडल्याने राज्यातील कोरोनाबाधितांची संख्या आता ६७ हजार ६५५ वर पोहोचली आहे. तर काल दिवसभरात ८९ रुग्णांचा मृत्यू झाला असून राज्यातील कोरोनाबळींची संख्या २ हजार २८६ इतकी झाली आहे.

  5 वर्षांपूर्वी
• 

  वरळीचा कंटेनमेंट झोन ते डी- कंटेनमेंट होण्यापर्यंतचा प्रवास सोपा नव्हता - आदित्य ठाकरे

  महाराष्ट्रात कोरोनाचे थैमान सुरूच आहे. रविवारी दिवसभरात २ हजार ४८७ नव्या रुग्णांची भर पडल्याने राज्यातील कोरोनाबाधितांची संख्या आता ६७ हजार ६५५ वर पोहोचली आहे. तर काल दिवसभरात ८९ रुग्णांचा मृत्यू झाला असून राज्यातील कोरोनाबळींची संख्या २ हजार २८६ इतकी झाली आहे.

  5 वर्षांपूर्वी
• 

  केरळवरून मुंबईत ५० डॉक्टर्स आणि नर्सेसचं पथक दाखल

  राज्यातील काही भागात करोनाची परिस्थिती अजूनही नियंत्रणात आलेली नसल्याचं चित्र आहे. राज्यातील एकूण रुग्णांची संख्या आणि रुग्णालयातून सुटी देण्यात आलेल्या रुग्णांविषयीची माहिती दररोज राज्याचे आरोग्यमंत्री राजेश टोपे ट्विटरवरून देतात. दिवसेंदिवस आकडेवारीत वाढ होतं असल्याचं समोर आलं आहे आणि त्यात पावसाळा तोंडावर आल्यामुळे सरकार वैद्यकीय सेवांच्या बाबतीतही कात्रीत अडकलं आहे.

  5 वर्षांपूर्वी
• 

  पोलीस कॉन्स्टेबलला १० दिवसांनी इस्पितळातून डिस्चार्ज; घरी अवघ्या ४ तासांनी मृत्यू

  वरळीतील कोरोनाग्रस्त पोलीस कॉन्स्टेबलला १० दिवसांनी कोविड सेंटरमधून डिस्चार्ज देण्यात आला. मात्र डिस्चार्ज दिल्याच्या अवघ्या ४ तासांनीच या कॉन्सेटबलचा मृत्यू झाल्याने पोलीस प्रशासनात एकच खळबळ उडाली आहे.

  5 वर्षांपूर्वी
• 

  मुबईतील धारावीत आज ४१ नव्या कोरोना रुग्णांची नोंद

  मुंबईतील सर्वात मोठी झोपडपट्टी असलेल्या धारावीत आज ४१ नवे कोरोना रुग्ण आढळले आहेत. मात्र याच परिसरात आज कोणत्याही मृत्यूची नोंद झालेली नाही. नव्या आकडेवारीनुसार आता एकूण रुग्णांचा आकडा १७१५ वर पोहोचला आहे.

  5 वर्षांपूर्वी
• 

  कंत्राटी डॉक्टर आणि बंधपत्रित डॉक्टरांचं मानधन समान करण्याचा निर्णय

  राज्य सरकारनं बंधपत्रित डॉक्टरांच्या मानधनात वाढ करण्याबरोबरच कंत्राटी डॉक्टरांचे आणि बंधपत्रित डॉक्टरांचं मानधन समान करण्याचा निर्णय घेतला आहे. बंधपत्रित आणि कंत्राटी डॉक्टरांच्या मानधनासंदर्भात मुख्यमंत्री उद्धव ठाकरे यांनी शुक्रवारी मोठा निर्णय घेतला. बंधपत्रित डॉक्टरांच्या मानधना वाढ करण्याचा निर्णय घेतला आहे. त्याचबरोबर राज्यात कंत्राटी पद्धतीनं कार्यरत असलेल्या डॉक्टरांनाही सरकारनं दिलासा दिला आहे. कंत्राटी डॉक्टरांचं आणि बंधपत्रित डॉक्टारांचं मानधन समान करण्याचा निर्णय मुख्यमंत्र्यांनी जाहीर केला.

  5 वर्षांपूर्वी
• 

  कोरोना आपत्तीत मुंबईतील ९९% ICU बेड्स व्यापलेले; आता पुढे काय?

  देशाची आर्थिक राजधानी असलेल्या मुंबईत केवळ रुग्णांच्या वाढीचं नाही तर रुग्णालयाचंही मोठं संकट आहे. कोरोना रुग्णांचा आकडा वाढत असला तरी, त्यांची सोय करण्यासाठी मुंबई महानगर पालिकेकडे विशेष सोय नसल्याचं दिसत आहे. पालिकेच्या आकडेवारीनुसार, आतापर्यंत शहरातील ९९% अतिदक्षता विभागातील बेड (ICU Beds) आणि ७२% व्हेंटिलेटर व्यापलेले आहेत. जी रुग्णालयं कोव्हिड-१९च्या गंभीर रुग्णांवर उपचार करत आहेत ती देखील ९६ टक्के भरले आहेत.

  5 वर्षांपूर्वी
• 

  अफवांवर विश्वास ठेऊ नका, मुंबईला टोळधाडीचा धोका नाही - एलडब्लूओ

  कोरोना, अफ्मान चक्रीवादळा पाठोपाठ आता टोळ कीटकाचा धोका देशातील नागरिकांपुढे उभा ठाकला आहे. तर टोळधाडीचं संकट आता मुंबईत देखील आलं असल्याची चर्चा सुरू झाली आहे. सोशल मीडियावर फिरणाऱ्या अनेक फोटो आणि व्हिडिओमुळे मुंबईत टोळ दिसून आल्याच्या चर्चांना उधाण आलं आहे. मात्र केंद्रीय कृषी मंत्रालयांतर्गत असलेल्या द लोकस्ट वॉर्निंग ऑर्गनायझेशनने (एलडब्लूओ) मुंबईला टोळधाडीचा धोका नसल्याचं म्हटलं आहे.

  5 वर्षांपूर्वी
• 

  धारावीत परिस्थिती सुधारत असताना गावाला जाण्यासाठी धारावीतील मजुरांची रस्त्यावर गर्दी

  कोरोनाचा हॉटस्पॉट असलेल्या धारावीतील रस्त्यांवर आज गावाला जाण्यासाठी हजारो मजूर कुटुंबीयासह सामान घेऊन आले होते. श्रमिक रेल्वेतून जाण्यासाठी हे मजूर स्टेशनपर्यंत जाणाऱ्या बसची सकाळपासून वाट पाहत होते. यादरम्यान धारावीच्या रस्त्यावर सोशल डिस्टन्सिंगचा फज्जा उडाल्याचे समजताच पोलिसांनी तेथे येऊन या मजुरांना रांगेत उभे केले.

  5 वर्षांपूर्वी
• 

  मुंबईतील कोरोनाचा मोठा हॉटस्पॉट असलेल्या धारावीत सरकारच्या प्रयत्नांना यश येतंय

  धारावीसह आसपासचा परिसर कोरोनाचा हॉटस्पॉट बनला आहे. मात्र दिलासा देणारी बाब अशी की, आता धारावीतील कोरोना प्रकरणांमध्ये किंचित सुधारणा झाली आहे. बुधवारी एका दिवसात किमान १८ संक्रमित रुग्ण आढळून आले आहेत. त्याच वेळी, कोरोनाची दुप्पट वाढ आणि सरासरी वाढीचा दर देखील कमी झाला आहे.

  5 वर्षांपूर्वी
• 

  ३१ मे नंतरही लॉकडाऊन उठवणार नसल्याचे संकेत - सविस्तर वृत्त

  लॉकडाऊनचा चौथा टप्पा ३१ मे रोजी संपत असताना त्यानंतर लॉकडाऊन पूर्णपण उठवला जाणार नाही, असे स्पष्ट संकेत मुख्य़मंत्री उद्धव ठाकरे यांनी दिलेत. काल मुख्यमंत्र्यांनी राज्यातील सर्व जिल्हाधिकारी आणि विभागीय आयुक्तांकडून राज्यातील स्थितीचा आढावा घेतला. राज्यातील अर्थचक्र सुरु करण्यासाठी ३१ मेनंतर लॉकडाऊनध्ये आणखी शिथिलता दिली जाईल असे त्यांनी स्पष्ट केलंय. ग्रीन झोनमध्ये बऱ्यापैकी व्यवहार सुरु करण्याचा राज्याचा विचार आहे. मात्र, यासाठी काही निमय व अटी निश्चित घालण्यात येणार आहेत. नियम व अटींचे उल्लंघन केल्यास हे व्यवहार बंद केले जातील याची कल्पना नागरिकांना देण्याच्या सूचना मुख्यमंत्र्यांनी दिल्यात.

  5 वर्षांपूर्वी
• 

  स्थलांतरित मजुरांसाठीचे १२२ कोटी आणि GST'चा परतावा केंद्राकडून मिळालेला नाही - अनिल परब

  महाविकास आघाडी सरकारची आज संयुक्त पत्रकार परिषद पार पडली. राज्याचे परिवहन मंत्री अनिल परब, महसूल मंत्री बाळासाहेब थोरात आणि जलसंपदा मंत्री जयंत पाटील त्यांनी ही पत्रकार परिषद घेतली. यावेळी विरोधकांनी ठाकरे सरकारवर केलेल्या आरोपांना महाविकास आघाडीकडून चोख प्रत्युत्तर दिलं देण्यात आलं. केंद्र सरकारने केलेल्या मदतीचा आकडा हा आभासी असून प्रत्यक्षात तितकी मदत राज्याला मिळालेली नाही, असं स्पष्टीकरण अनिल परब यांनी दिलं आहे.

  5 वर्षांपूर्वी
• 

  मुख्यमंत्र्यांनी बोलावली महाविकास आघाडीच्या मित्रपक्षांची तातडीची बैठक

  राज्यात कोरोना विषाणू रुग्ण दिवसेंदिवस वाढत आहेत. विशेषतः मुंबई, पुणे शहरांमध्ये रेड झोन भागांमध्ये रुग्णांची संख्या लक्षणीय वाढ होताना दिसत आहे. या रेड झोन एरियामध्ये लॉकडाऊन संपल्यानंतर खबरदारीच्या दृष्टिकोनातून नवीन नियमावली कोणत्या स्वरूपात करता येईल, तसेच सध्याच्या नियमात कोणते बदल करून काही भागांमध्ये रिलॅक्सेशन देता येईल, या उद्देशानं महाविकास आघाडी सरकारमधील मंत्र्यांची बुधवारी महत्त्वाची बैठक होणार आहे.

  5 वर्षांपूर्वी
• 

  फडणवीसांकडून फक्त आकडयांचा भास; पृथ्वीराज चव्हाणांकडून आकडेवारीची पोलखोल

  केंद्र सरकारने करोना काळात निधी उपलब्ध करुन दिला नाही असा आरोप केला होतो. आत्तापर्यंत ५ हजार कोटींपेक्षा जास्त पैसे राज्याला दिले आहेत. मात्र केंद्राने काहीही दिलेच नाही असं ठाकरे सरकारकडून भासवलं जातं आहे असा आरोप माजी मुख्यमंत्री आणि विधानसभेचे विरोधी पक्षनेते देवेंद्र फडणवीस यांनी केला आहे. पीपीई किट, N-95 मास्क यांचाही पुरवठाही केंद्राने केला आहे असंही फडणवीस यांनी स्पष्ट केलं. आत्तापर्यंत २८ हजार १०४ कोटींचा निधी केंद्राने राज्य सरकारला उपलब्ध करुन दिला आहे.

  5 वर्षांपूर्वी