Power Cut | प्रकरणाची संपूर्ण चौकशी होणार | मुख्यमंत्री उद्धव ठाकरे

मुंबई, १२ ऑक्टोबर : मुंबई आणि परिसरात सोमवारी अचानक वीज पुरवढा खंडीत झाल्याने मोठी खळबळ उडाली होती. त्यानंतर अडीच ते तीन तासांनी वीज पुरवढा सुरळीत व्हायला सुरुवात झाली. राज्यात कोरोनाचं संकट असल्याने हॉस्पिटल्समधल्या वीज पुरवढ्याबाबत प्रशासन चिंतेत होतं. या पार्श्वभूमीवर मुख्यमंत्री उद्धव ठाकरे यांनी संबंधित सर्व विभागांची बैठक घेऊन परिस्थितीचा आढावा घेतला आणि बेजबाबदार अधिकाऱ्यांवर कारवाईचे संकेत दिलेत.

या प्रकरणाच्या चौकशीचे आदेश या आधीच मुख्यमंत्र्यांनी दिले आहेत. मुख्यमंत्र्यांनी उर्जा विभागाचं टेक्निकल ऑडिट करण्याचेही आदेश आजच्या बैठकीत दिले आहेत. वीज पुरवठा खंडीत झाल्या प्रकरणी काही बेजबाबदार अधिकाऱ्यांवरही कारवाई होऊ शकते. वीज पुरवठा खंडीत झालेल्या तीनही वाहिन्या तात्काळ पूर्ण क्षमतेने सुरू करण्याचे मुख्यमंत्र्यांचे आदेशही मुख्यमंत्र्यांनी दिले आहेत. असा प्रकार पुन्हा घडू नये याचीही काळजी घेण्याचे निर्देश त्यांनी दिलेत.

मुंबईमध्ये आज सकाळी सव्वा दहाच्या सुमारास अनेक ठिकाणी वीजपुरवठा खंडित झाला. पॉवर ग्रीड फेल्युअरमुळे एकाच वेळी मुंबईतील अनेक ठिकाणी वीजपुरवठा खंडित झाल्याचे वृत्त आहे. बेस्टने यासंदर्भातील माहिती ट्विटरवरुन दिली असून टाटाकडून येणाऱ्या विद्युत पुरवठ्यात बिघाड झाल्यामुळे विद्युत पुरवठा खंडित झाल्याचे बेस्टने म्हटलं. मुंबईमध्ये वीजपुरवठा करणाऱ्या महावितरण, अदानी, बेस्ट, टाटा अशा सर्वच वीज वितरकांच्या सेवेला या ग्रीड फेल्युअरचा फटका बसला. आता या प्रकरणी मुख्यमंत्र्यांनी चौकशीचे आदेश दिले आहेत.

News English Summary: Large power cuts such as the one that hit Mumbai and neighboring areas on Monday (October 12) morning can be dangerous events for those affected. In addition to inconveniencing households and those trying to use public transport, vital hospital systems, students’ exams and court hearings were impacted in Mumbai following a failure of the power supply grid. On Monday morning around 50 lakh homes and operational business around Mumbai suffered power cuts.

News English Title: Power Cut Case To Be Fully Investigated Says CM Uddhav Thackeray Marathi News LIVE latest updates.