महिलांना शुभदिनी केंद्राकडून आनंदवार्ता नाही | रेल्वे प्रवासाच्या मान्यतेला वेळ लागणार

मुंबई, १६ ऑक्टोबर : मुंबई लोकलचे दरवाजे महिलांसाठी खुले झाले आहेत. १७ ऑक्टोबर म्हणजेच नवरात्रीच्या पहिल्या माळेपासून सरसकट सर्व महिलांना लोकल प्रवास करता यासाठी राज्य सरकारने रेल्वे बोर्डाकडे विनंती केली होती. त्यानुसार सकाळी ११ ते दुपारी ३ आणि संध्याकाळी ७ ते लोकल सेवा सुरु असेपर्यंत सर्व महिला प्रवास करु शकतील असं पत्रात म्हटलं होतं. मुंबई आणि MMR मधील महिलांना लोकल प्रवासाची मुभा देण्यात यावी असं विनंतीत म्हटलं होतं. त्यासाठी Q R कोडची गरज असणार नाही असंही स्पष्ट करण्यात आलं होतं.

मात्र राज्य सरकारची ही विनंती रेल्वेनं फेटाळून लावली आहे. 17 ऑक्टोबरपासून सर्व महिलांना परवानगी देणे त्वरित शक्य नाही, असं स्पष्टीकरण रेल्वेनं राज्य सरकारला दिलं आहे. प्रवाशांच्या प्रमाणांचे मूल्यांकन करुन, त्यानूसार नियोजन करणं आवश्यक आहे. त्यामुळे उद्यापासून महिलांना लगेचचं परवानगी देणं शक्य नाही, असं रेल्वेकडून राज्य सरकारला सांगण्यात आलं आहे.

रेल्वेचे राज्य सरकारला पत्र:
सर्वच महिला प्रवाशांना १७ ऑक्टोबरपासू लोकल प्रवास करता येणार नाही. राज्य सरकारने तशी परवानगी दिली असली तरी यासंदर्भात मध्य आणि पश्चिम रेल्वेने राज्य सरकारला दिलेल्या पत्रात लोकल फेऱ्यांचे योग्य नियोजन करणे आवश्यक असल्याचे म्हटले आहे. खासगी क्षेत्रातील महिलांसह सरसकट सर्व महिलांना प्रवासाची परवानगी देताना त्यांची संख्या किती, त्यासाठी किती फेऱ्या सोडाव्या लागणार याची माहीती मिळणे गरजेचे असल्याचे रेल्वेच्या सूत्रांनी स्पष्ट केले.

राज्य सरकारचा महिलांना प्रवास करण्याची परवानगी देण्याबाबतचा प्रस्ताव रेल्वे मंडळाच्या मंजुरीसाठी पाठवला आहे. या बाबतचा निर्णय घेण्यासाठी आणि त्याची कार्यपद्धती अंतिम करण्यासाठी राज्य सरकारला पत्रही पाठवले आहे. लवकरच याबाबत सकारात्मक निर्णय होईल.

– शिवाजी सुतार, मुख्य जनसंपर्क अधिकारी, मध्य रेल्वे

News English Summary: Railways has rejected the state government’s request. Railways has given an explanation to the state government that it is not possible to allow all women immediately from October 17. It is important to evaluate the number of passengers and plan accordingly. Therefore, it is not possible to allow women immediately from tomorrow, the state government has been told by the Railways.

News English Title: Railways has told the state government that it will not be possible to allow women immediately from tomorrow News updates.