फडणवीस, राज ठाकरे, चंद्रकांत पाटील यांच्या सुरक्षेत कपात | राज्य सरकारचा निर्णय

मुंबई, १० जानेवारी: माजी मुख्यमंत्री आणि विधानसभेचे विरोधी पक्षनेते देवेंद्र फडणवीस यांच्या सुरक्षेत मोठी कपात करण्यात आली आहे. राज्य सरकारने नुकताच हा निर्णय घेतला आहे. फडणवीसांच्या सुरक्षा ताफ्यात देण्यात आलेली बुलेटप्रुफ गाडीसुद्धा काढून घेण्यात येणार आहे. विशेष म्हणजे फडणवीस यांच्या जिवाला धोका असल्याचा मुंबई पोलिसांनी अहवाल दिल्यानंतरसुद्धा ही त्यांच्या सुरक्षेत कपात करण्यात आली आहे. दोन दिवसांपूर्वी झालेल्या बैठकीत ठाकरे सरकारने हा निर्णय घेतला आहे. फडणवीसांसोबतच भारतीय जनता पक्षाचे प्रदेशाध्यक्ष चंद्रकांत पाटील, महाराष्ट्र नवनिर्माण सेनेचे अध्यक्ष राज ठाकरे यांच्याही सुरक्षेत कपात केली आहे.

तत्पूर्वी म्हणजे जानेवारी २०२० मध्ये राष्ट्रवादी काँग्रेस पक्षाचे अध्यक्ष, माजी केंद्रीय मंत्री शरद पवार यांच्या सुरक्षाव्यवस्थेत मोदी सरकारकडून अचानक कपात करण्यात आली होती. पवारांच्या 6, जनपथ या दिल्लीतील निवासस्थानावर तैनात सुरक्षारक्षकांना हटवण्यात आले होते. सुरक्षेत कपातीसंबंधी कुठलीही पूर्वकल्पना पवारांना देण्यात आली नव्हती, असा दावा करीत आता राष्ट्रवादी काँग्रेस पक्षाने आक्रमक भूमिका घेतली होती

केंद्राने 2020 जानेवारीपासून पवारांची सुरक्षाव्यवस्था कमी करताना पवारांसह इतर 40 जणांच्या सुरक्षेत कपात करण्यात आल्याची माहिती समोर आली होती. केंद्रीय गृहमंत्रालयातर्फे दिल्लीतील अतिमहत्त्वाच्या व्यक्तींना सुरक्षा पुरवण्यात येते.

News English Summary: Former Chief Minister and Leader of Opposition in the Legislative Assembly Devendra Fadnavis’s security has been slashed. The state government has recently taken this decision. The bulletproof vehicle provided to Fadnavis’ security convoy will also be removed. It is noteworthy that even after the Mumbai Police reported that Fadnavis’s life was in danger, his security has been curtailed. The Thackeray government has taken this decision in a meeting held two days ago.

News English Title: Raj Thackeray Devendra Fadnavis and Chandrakant Patil security reduced news updates.