मेट्रो ३ : भुयारीकरणाच्या कामादरम्यान बोगद्याचा काही भाग कोसळला; एका कामगाराचा मृत्यू

मुंबई: कुलाबा- वांद्रे-सीप्झ या मेट्रो 3 मार्गिकेच्या भुयारीकरणाचे काम सध्या सुरू आहे. मुंबई मेट्रो रेल कॉर्पोरेशनमार्फत हे काम करण्यात येत असून सात टप्प्यात हे काम सुरू आहे. दरम्यान, शुक्रवारी भुयारीकरणाच्या कामादरम्यान अचानक बोगद्याचा काही भाग कोसळला आणि यामध्ये एका कामगाराचा मृत्यू झाला. टनल बोअरिंगच्या दरम्यान ही घटना घडल्याचे समोर आलं आहे.

पवई येथे भूमिगत मेट्रो ३ चे काम सुरू होते. बोगद्याच्या बाजूला जो सुरक्षित भाग असतो, जिथे आपत्कालीन परिस्थितीत मेट्रो मध्ये बिघाड झाला तर पादचारी उतरून चालू शकतात, त्या ठिकाणी मनुष्यबळ वापरून खोदकाम सुरू असताना अचानक काही भाग कोसळला. या घटनेत एक कामगार ठार झाला.

मेट्रो कॉर्पोरेशनचे संचालक एस. के. गुप्ता यांनी दिलेल्या माहितीनुसार, हा कामगार खडक फोडत होता तेव्हा तो खडक त्याच्यावर कोसळला. त्या कामगाराच्या कुटुंबीयांना नुकसानभरपाई देण्यात येणार आहे.

Mumbai Metro Rail Corporation Limited (MMRC): One labourer dead, one injured after a piece of rock mass from the tunnel face collapsed and fell. Incident is being investigated pic.twitter.com/kSoS7xEUNl

— ANI (@ANI) September 14, 2019

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.