मुंबईतील पाणी कपात टाळण्यासाठी समुद्राचे खारे पाणी गोडे करणार | राज्य सरकारचा निर्णय

मुंबई, २३ नोव्हेंबर: मुंबईत मे आणि जून महिन्यातील पाणी कपात (Water reduction) टाळण्यासाठी मनोर इथं समुद्राचे 200 एमएलडी खारे पाणी गोडे करणाऱ्या नि:क्षारीकरण प्रकल्प उभारणीचा आढावा घेऊन प्रकल्पाची पुढची प्रक्रिया सुरु करण्याचे निर्देश मुख्यमंत्री उद्धव ठाकरे (Chief Minister Uddhav Thackeray) यांनी दिले आहेत. वर्षा या शासकीय निवासस्थानी 200 एमएलडी नि:क्षारीकरण प्रकल्प उभारणीबाबत आयोजित आढावा बैठकीत ते बोलत होते.

यावेळी मुंबई उपनगरचे पालकमंत्री आदित्य ठाकरे, मुंबईच्या महापौर किशोरी पेडणेकर, मुंबई महापालिकेचे आयुक्त इक्बाल सिंह चहल यांची उपस्थिती होती. जगातील अनेक देशांमध्ये समुद्राचे खारे पाणी गोडे करण्याचा प्रयोग यशस्वी झाला आहे. तर काही देशांमध्ये अशा प्रकल्पांची उभारणी सुरु आहे. मुंबईसारख्या महानगरात हा प्रकल्प नक्कीच लाभदायक ठरणार आहे. त्यामुळेच या प्रकल्पासाठी करण्यात येणारी कार्यवाही पुढे सुरु ठेवणार असल्याचीही माहिती मुख्यमंत्र्यांनी दिली.

नि:क्षारीकरण प्रकल्पाचा मुख्यमंत्री उद्धव ठाकरे यांनी घेतला आढावा. मुंबई उपनगरचे पालकमंत्री @AUThackeray, महापौर @KishoriPednekar उपस्थित. मुंबईतील मे व जून मधील पाणीकपात टाळण्यासाठी समुद्राचे २०० एमएलडी खारे पाणी गोडे करणारा नि:क्षारीकरण प्रकल्प मनोरी येथे सुरु करण्याचे निर्देश. pic.twitter.com/e9YFjjxwKz

— MAHARASHTRA DGIPR (@MahaDGIPR) November 23, 2020

महाराष्ट्राला मोठा सागरी किनारा लाभला आहे. त्यामुळे या प्रकल्पासाठी लागणारे पाणी उपलब्ध असणार आहे. सौर ऊर्जेवर हा प्रकल्प राबविल्यास निर्मिती खर्चही कमी लागणार आहे. मनोर येथे पाण्याची गुणवत्ता चांगली आहे. पायाभूत सुविधा सहज उपलब्ध होऊ शकतात. मनोर येथे शासनाचा भूखंड उपलब्ध आहे तसेच रस्तेही उपलब्ध आहेत. या ठिकाणी नागरी वसाहत नसल्याने हा प्रकल्प विना व्यत्यय पूर्ण होऊन मुंबईच्या नागरिकांना कपातीविना नियमित पाणी पुरवठा होणार आहे.

News English Summary: Chief Minister Uddhav Thackeray has directed to start further process of the project by reviewing the construction of 200 MLD desalination of sea water at Manor to prevent water reduction in May and June in Mumbai. He was speaking at a review meeting on setting up of 200 MLD desalination project at Varsha Government House.

News English Title: Salt water will be desalinated to prevent water shortage in Mumbai said CM Uddhav Thackeray News Updates.