ज्येष्ठ पत्रकार दिनू रणदिवे यांचे वृध्दपकाळाने निधन

मुंबई, १६ जून : ज्येष्ठ पत्रकार दिनू रणदिवे यांचे त्यांच्या दादर येथील निवासस्थानी आज सकाळी वृध्दपकाळाने निधन झाले. १६ मे रोजी दिनू रणदिवे यांच्या पत्नीचे निधन झाले होते. आणि एका महिन्याने आज त्यांची प्राणज्योत मालवली आहे.

संयुक्त महाराष्ट्र पत्रिके’च्या माध्यमातून सुरु असलेल्या लोकचळवळीत त्यांचा महत्वाचा सहभाग राहीला. गोवा मुक्ती संग्रामातही त्यांचा सहभाग होता. सामान्य माणसांचे, वंचितांच्या प्रश्नांना त्यांनी नेहमीच वाचा फोडली. बांगलादेश युद्धाचे त्यांनी प्रत्यक्षात जाऊन वार्तांकन केलं होतं. भिवंडी आणि वरळी दंगलीचे भयानक सामाजिक वास्तव त्यांनी समाजापुढे मांडले.

दिनू रणदिवे यांचा जन्म १९२५ साली डहाणूतील आदिवासीबहुल भागात झाला. १९५६ सालापासून त्यांनी पत्रकारितेला सुरुवात केली होती. संयुक्त महाराष्ट्राच्या चळवळीत रणदिवे यांचा सक्रिय सहभाग होता. या आंदोलनात त्यांनी तुरुंगवास देखील भोगला होता. ‘महाराष्ट्र टाइम्स’ या वृत्तपत्रासाठी रणदिवे यांनी मुख्य वार्ताहर म्हणून अनेक वर्ष काम देखील केलं होतं.

News English Summary: Senior journalist Dinu Ranadive passed away at his residence in Dadar this morning. Dinu Ranadive’s wife had passed away on May 16. And a month has passed since his death today.

News English Title: Senior journalist Dinu Ranadive passed away News Latest Updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.