मंत्रिमंडळात भावाला स्थान न मिळाल्याने संजय राऊतांचं नाराजी नाट्य

मुंबई : महाविकास आघाडीच्या पहिल्या मंत्रिमंडळ विस्तारात मंत्रिपदाची शपथ घेणाऱ्या शिवसेनेच्या मंत्र्यांची यादी समोर आली आहे. अनिल परब, उदय सामंत, अब्दुल सत्तार यांच्यासह १३ जण मंत्रिपदाची शपथ घेणार आहेत. मात्र शिवसेना नेते आणि खासदार संजय राऊत यांचे धाकटे बंधू आमदार सुनील राऊत राजीनामा देण्याच्या तयारीत आहेत. मंत्रिपद न मिळाल्यामुळे ते आमदारकीचा राजीनामा देण्याची शक्यता वर्तवली जात आहे.

शिवसेनेचे खासदार संजय राऊत यांचे बंधू आणि आमदार सुनील राऊत मंत्रिमंडळात स्थान न मिळाल्याने नाराज असल्याची माहिती होती. सुनील राऊत यांना उद्धव ठाकरेंच्या मंत्रिमंडळात स्थान मिळेल अशी अपेक्षा होती. मात्र ते स्थान न मिळाल्याने आणि त्याची कुणकुण लागल्यानेच संजय राऊत या शपथविधी सोहळ्याला गैरहजर राहिले अशी चर्चा राजकीय वर्तुळात रंगली आहे.

संजय राऊत मंत्रिमंडळाच्या विस्तारावर म्हणाले की, एक चांगले आणि अनुभवी असलेलं मंत्रिमंडळ असून चांगलं काम करून राज्याला दिशा देईल. सुनिल राऊत यांना मंत्रिमंडळात स्थान दिलं नसल्याने आमच्या घरातील कोणीही नाराज नाही. सरकार स्थापन करण्यात आम्हाला महत्वाची भूमिका निभावता आली. त्यातचं आम्ही समाधानी आहोत. दुसरीकडे खासदार संजय राऊत यांनी मी अशा मंत्रिमंडळांच्या शपथविधीला उपस्थित राहत नसतो, अशी प्रतिक्रिया दिली आहे.

Web Title:  Shivsena MP Sanjay Raut Absent during CM Uddhav Thackeray Cabinet Oath-because Brother MLA Sunil Raut not got Cabinet Ministry.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.