भाजपचे १०५ आमदार निवडून येण्यामागे शिवसेनेचं सुद्धा योगदान होतं - शरद पवार

मुंबई, ९ जुलै : शिवसेना खासदार संजय राऊत यांनी घेतलेली राष्ट्रवादी काँग्रेसचे अध्यक्ष शरद पवार यांची मुलाखत लवकरच प्रसारित होणार आहे. मात्र त्याआधी संजय राऊत यांनी या बहुचर्चित मुलाखतीचा दुसरा प्रोमो शेअर केला आहे. यामध्ये संजय राऊतांचे रोखठोक प्रश्न आणि शरद पवारांची दिलखुलास उत्तरे पाहायला मिळत आहेत.

ठाकरे सरकारचे आपण रिमोट कंट्रोल आहात की हेडमास्तर?
काय म्हणतात शरद पवार? pic.twitter.com/ot0Y8pdJ0X

— Sanjay Raut (@rautsanjay61) July 9, 2020

पण यात काही मुद्द्यावर बोलताना शरद पवार म्हणाले की, भाजपचा जो १०५ आकडा आहे त्यात शिवसेनेचं पण योगदान होतं, मला जे बाळासाहेब ठाकरे माहिती आहेत, बाळासाहेबांची विचारधारा, कामाची पद्धत भाजपच्या विचारधारेशी सुसंगत होती असं मला कधीच वाटलं नाही, तीन विचारांचे तीन पक्ष असले तरी पण सगळेजण एका विचाराने मुख्यमंत्र्यांच्या धोरणाच्या पाठीमागे आहेत असं शरद पवारांनी सांगितले

शरद पवारांची ही मुलाखत ११ ते १३ तारखेदरम्यान प्रसिद्ध होणार असून एक शरद, सगळे गारद या टायटलने ही मुलाखत प्रेक्षकांच्या समोर येणार आहे. मात्र मुलाखतीबाबत उत्सुकता वाढवण्यासाठी त्यातील काही भाग टिझरच्या माध्यमातून प्रसिद्ध करण्यात येत आहेत.

News English Summary: Sanjay Raut’s tough questions and Sharad Pawar’s heartfelt answers are being seen. But speaking on some issues, Sharad Pawar said that Shiv Sena also contributed to the 105 number of BJP

News English Title: Shivsena MP Sanjay Raut shared another promo of NCP Chief Sharad Pawar interview News Latest Updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.