अजान स्पर्धेशी आपला संबंध नाही | शिवसेना विभागप्रमुखांची सारवासारव

मुंबई, १ डिसेंबर: शिवसेनेचे विभागप्रमुख पांडुरंग सपकाळ यांनी मुस्लिम समाजातील लहान मुलांना नमाजची गोडी लागावी म्हणून अजान स्पर्धेचं आयोजन केलं आहे. हिंदुत्ववादी म्हणून घेणाऱ्या शिवसेनेने अजान स्पर्धेचं आयोजन केल्याने कालपासूनच भारतीय जनता पक्षाने टीकेची झोड उठवली.

विरोधकांनी शिवसेनेची कोंडी करण्यास सुरुवात केल्यानंतर पांडुरंग सकपाळ यांनी खुलासा करत अजान स्पर्धेशी आपला संबंध नाही असा खुलासा केला आहे. अजानमुळे मनाला शांती लाभते, लहान मुलांना अजानची गोडी लागावी यासाठी या स्पर्धेचे आयोजन केल्याचंही सकपाळ यांनी प्रसार माध्यमांशी बोलताना म्हटलं होतं. तसंच “महाआरतीप्रमाणेच अजानचं महत्त्व आहे. प्रेम आणि शांतीचं ते प्रतिक आहे. त्यावर वाद घालणं उचित वाटत नाही,” असं देखील ते म्हणाले होते.

दरम्यान, भारतीय जनता पक्षाचे आमदार नितेश राणे यांनी ट्विट करत थेट शिवसेना पक्षप्रमुख तथा मुख्यमंत्री उद्धव ठाकरेंवर हल्ला केला आहे. “अहो पक्षप्रमुख, खरच मर्द असाल तर सांगून टाका की तुमच्या विभाग प्रमुखाला आपली शिवसेना आता ‘सेक्युलर’ झालीये. नाहीतर ‘हो मी नामर्द आहे’ असं तरी?,”,अशा शब्दात नितेश राणे यांनी शिवसेना पक्षप्रमुख उद्धव ठाकरेंवर टीकास्त्र सोडले आहे.

आहो पक्षप्रमुख..
खरच मर्द असाल.. तर सांगून टाका की तुमच्या विभाग प्रमुखला आपली शिवसेना आता “सेक्युलर”आहे..
नाहीतर “हो मी नामर्द आहे” असं तरी ?

— nitesh rane (@NiteshNRane) November 30, 2020

News English Summary: After the opposition started harassing Shiv Sena, Pandurang Sakpal has revealed that he has nothing to do with Ajaan competition. Sakpal had said while talking to the media that this competition was organized to give peace of mind to the children due to Ajaan. Also, “Ajaan is as important as Maha Aarti. It is a symbol of love and peace. I don’t think it’s fair to argue about that, “he said.

News English Title: Shivsena Pandurang Sakpal Muslim children Azan competition News updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.