No-go zone: मुंबईत आता तब्बल १९१ ठिकाणं सील

मुंबई, २ एप्रिल: मागील दोन दिवसांपासून मुंबईत कोरोना रुग्णांची संख्या झपाट्याने वाढत आहे. यादरम्यान आरोग्यमंत्री राजेश टोपे यांनी एक धक्कादायक माहिती दिली आहे. पुढील काही दिवसात मुंबईत कोरोनाग्रस्तांचा आकडा वाढण्याची भीती आरोग्यमंत्र्यांनी वर्तवली आहे. सध्या मुंबईत कोरोनाबाधितांची संख्या १६२ वर पोहोचली असून ५००० पेक्षा अधिक जण हाय रिस्क कॉन्टॅक्टमध्ये असल्याची माहिती राजेश टोपे यांनी दिली आहे. या सर्वांना विलगीकरणात ठेऊन चाचणी केली जाणार आहे. सध्या सर्वांवर लक्ष ठेवलं जात आहे. चार हजार लोक या सर्वांवर लक्ष ठेवून आहेत” असं देखील त्यांनी स्पष्ट केलं आहे.

राज्यात आज कोरोना बाधित 33 नवीन रुग्णांची नोंद झाली. यातील 30 रुग्ण मुंबईचे, पुणे येथील 2 तर बुलढाण्याच्या 1 रुग्णाचा समावेश आहे. यामुळे राज्यातील एकुण बाधित रुग्णांची संख्या 335 झाली आहे.#CoronaVirusUpdates #MeechMazaRakshak #मीचमाझारक्षक #मैंहीमेरारक्षक

— Rajesh Tope (@rajeshtope11) April 1, 2020

दरम्यान, मुंबई महानगर पालिकेनं बुधवारी एकाच दिवशी शहरातील ४५ नवे परिसर सील करुन टाकले आहेत. या परिसरांचा समावेश‘no-go zones’मध्ये करण्यात आला आहे. ज्या भागात कोरोना विषाणूचा संसर्ग झालेले रुग्ण आढळतात किंवा बाधा झालेले रुग्ण या परिसरातील लोकांच्या संपर्कात आल्यानं ज्या भागातील लोकांना विषाणूचा संसर्ग होण्याचा धोका अधिक असतो असे भाग ‘no-go zones’मध्ये येतात. तो परिसर पूर्णपणे बंद करण्यात येतो.

या आठवड्यात एकूण १९१ परिसर सील करण्यात आले आहेत.बुधवारी नव्यानं सील करण्यात आलेले बहुतांश परिसर हे उपनगरातले आहेत. पोलिसांनी परिसरात बॅरिकेट्स लावले असून येथील नागरिकांना बाहेर पडण्यास आणि बाहेरच्या व्यक्तीला आत जाण्यास मनाई करण्यात आली आहे.

News English Summary: Meanwhile, Mumbai Metropolitan City has sealed 45 new premises in the city on Wednesday. These areas are included in the ‘no-go zones’. ‘No-go zones’ are areas where coronary infected patients are found or obstructed patients come in contact with the area where people are at higher risk of getting infected. That area is completely closed. A total of 191 premises have been sealed this week. Most of the newly sealed areas are in the suburbs on Wednesday. Police have installed barricades in the area, where citizens are prohibited from leaving and an outside person is allowed to enter.

News English Title: Story 45 more areas in Mumbai are now No Go Zones tally of such spots in the city to 191 Corona virus outbreak News Latest Updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.