गरीब घरातील श्रीमंत मनाचे मुंबई पोलीस हवालदार; मुख्यमंत्री निधीला १० हजार रुपये

मुंबई, २ एप्रिल: मागील दोन दिवसांपासून मुंबईत कोरोना रुग्णांची संख्या झपाट्याने वाढत आहे. यादरम्यान आरोग्यमंत्री राजेश टोपे यांनी एक धक्कादायक माहिती दिली आहे. पुढील काही दिवसात मुंबईत कोरोनाग्रस्तांचा आकडा वाढण्याची भीती आरोग्यमंत्र्यांनी वर्तवली आहे. सध्या मुंबईत कोरोनाबाधितांची संख्या १६२ वर पोहोचली असून ५००० पेक्षा अधिक जण हाय रिस्क कॉन्टॅक्टमध्ये असल्याची माहिती राजेश टोपे यांनी दिली आहे. या सर्वांना विलगीकरणात ठेऊन चाचणी केली जाणार आहे. सध्या सर्वांवर लक्ष ठेवलं जात आहे. चार हजार लोक या सर्वांवर लक्ष ठेवून आहेत” असं देखील त्यांनी स्पष्ट केलं आहे.

दरम्यान, सध्या राज्याच्या तिजोरीला हातभार लागावा म्हणून सर्वच थरातून मदतीचा ओघ मुख्यमंत्री निधीला होताना दिसत आहे. त्यानिमित्ताने मुंबईतील डोंगरी येथे कार्यरत असलेले हेडकॉन्स्टेबल श्रीदर्शन बापूसाहेब डांगरे यांनी कोरोनाविषाणू विरोधात लढण्यासाठी खारीचा वाटा म्हणून आपल्या बचतीतून मुख्यमंत्री निधीला १० हजारांची मदत केली आहे. डांगरे यांनी मदतीचा धनादेश गृहमंत्री अनिल देशमुख यांच्या हाती सोपवला आहे. हेडकॉन्स्टेबल डांगरे यांच्या या कार्याचे कौतुक मुख्यमंत्री उद्धव ठाकरे आणि गृहमंत्री अनिल देशमुख यांनी केले.

जगभर पसरलेल्या #CoronaPandemic मुळे लोकांचे होणारे हाल बघून डोंग्री, येथील हेड कॉन्स्टेबल श्रीदर्शन बापूसाहेब डांगरे यांनी @OfficeofUT यांच्या मुख्यमंत्री निधीला ₹१०,००० योगदान केले. गृहमंत्री म्हणून मी महाराष्ट्राच्या जनते तर्फे त्यांचं कौतुक केलं व आभार मानले.#WarOnCorona pic.twitter.com/J9fvt6ISfI

— ANIL DESHMUKH (@AnilDeshmukhNCP) April 1, 2020

डांगरे यांचे हे कार्य कौतुकास्पद तर आहेच. शिवाय ते सर्वांसाठी प्रेरणादायी ठरणारे आहे. आरोग्य कर्मचाऱ्यांबरोबर खांद्याला खांदा लावून पोलिस विभागही गेल्या १५ दिवसांपासून कार्यरत आहे. लॉकडाऊनची कडक अंमलबजावणी करण्यासाठी पोलिस विभाग कार्यरत आहे. आपले कर्तव्य बजावत असतानाही आर्थिक मदत देऊन डांगरे यांनी एक आदर्श निर्माण केला आहे.

दरम्यान, विप्रो लि., विप्रो इंटरप्रायजेस आणि अझीम प्रेमजी फाऊंडेशन यांनी एकत्रित ११२५ रुपयांची मदत जाहीर केली आहे. यामध्ये सर्वाधिक हिस्सा प्रेमजी फाऊंडेशनचा असेल. विप्रो लि. १०० कोटी, विप्रो इंटरप्रायजेस २५ कोटी आणि अझीम प्रेमजी फाऊंडेशन १००० कोटी रुपयांचा निधी देणार आहे.

News English Summary: Meanwhile, the Chief Minister Nidhi is seeing a surge of help from all levels to support the state treasury. On this occasion, Head constable Sridarshan Bapusaheb Dangare, who is working at Dongri in Mumbai, has helped the Chief Minister Nidhi to save 10,000 rupees from his savings as part of a saline fight against coronary virus. Dangare has handed over the help check to Home Minister Anil Deshmukh. Chief Minister Uddhav Thackeray and Home Minister Anil Deshmukh praised the work of Head Constable Dangare. This work of Dangere is admirable. Moreover, it is an inspiration to all. Police department has been working with health workers shoulder to shoulder. The police department is working to tighten the lock down. Dangare has set a model by providing financial assistance while performing his duties.

News English Title: Story a Mumbai police head constable has donated Rupees 10000 CM Covid19 relief fund Corona virus News Latest Updates.