कोरेगाव-भीमा प्रकरणातील मिलिंद एकबोटे राज ठाकरेंच्या भेटीला

मुंबई: कोरेगाव-भीमा प्रकरणातील आरोपी आणि हिंदू एकता आघाडीचे नेते मिलिंद एकबोटे यांनी रविवारी मनसेप्रमुख राज ठाकरे यांची भेट घेतली. येत्या २४ तारखेला संभाजी महाराजांच्या पुण्यतिथीनिमित्त वढू बुद्रूक याठिकाणी होणाऱ्या कार्यक्रमाचे निमंत्रण देण्यासाठी ते कृष्णकुंज येथे आले होते. यावेळी दोन्ही नेत्यांमध्ये काहीवेळ चर्चा झाली. राज ठाकरे आणि एकबोटे यांच्या भेटीमुळे राजकीय वर्तुळाच्या भुवया उंचावल्या आहेत.

राज ठाकरे यांच्या भेटीनंतर मिलिंद एकबोटे यांनी प्रसारमाध्यमांशी संवाद साधला. यावेळी एकबोटे यांनी म्हटले की, राज ठाकरे यांनी हिंदुत्ववादी भूमिका घेणे स्वागतार्ह आहे. त्यांनी हिंदूंवर होणाऱ्या अन्यायाला वाचा फोडलीच पाहिजे, असे एकबोटे यांनी म्हटले.

तत्पूर्वी, १ जानेवारीला विजय दिनाच्या दिवशी हिंदू एकता आघाडीचे मिलिंद एकबोटे आणि शिव प्रतिष्ठानचे संभाजी भिडेंसह १६३ जणांना पुणे जिल्हाबंदी करण्यात आली होती. कोरेगाव भीमा येथे एक जानेवारीला होणाऱ्या विजयस्तंभ अभिवादन समारंभाच्या पार्श्वभूमीवर पुणे ग्रामीण पोलिसांनी हा निर्णय घेतला होता. तसेच चार तालुक्यांमध्ये कलम १४४नुसार जमावबंदी लागू करण्यात आलं होतं. दरम्यान, १ जानेवारी २०१८ रोजी पुणे जिल्ह्यातल्या कोरेगाव भीमामध्ये हिंसाचार झाला होता. या प्रकरणी संभाजी भिडे गुरूजी व मिलींद एकबोटे यांच्याविरोधात गुन्हे दाखल करण्यात आले आहेत. राजकीय दृष्ट्या हे प्रकरण अत्यंत संवेदन असताना राज ठाकरेंनी त्यांना भेट दिल्याने अनेकांनी आश्चर्य व्यक्त केलं आहे.

News English Summery: Milind Ekbote, the accused in the Koregaon-Bhima case and the leader of the Hindu Unity Front, met MNS chief Raj Thackeray on Sunday. He had come to Krishnakunj to invite him to the function at Vadhu Budruk on the occasion of the death anniversary of Sambhaji Maharaj. There was some discussion between the two leaders at this time. The visits of Raj Thackeray and Ekbote have raised the eyebrows of the political circle. After meeting Raj Thackeray, Milind Ekbote spoke to the media. At this time Ekbote said that it was welcomed by Raj Thackeray to take a pro-Hindu stand. They must read the injustice done to Hindus, ”Ekbote said.

Web News Title: Story Bhima Koregaon Milind Ekbote m-eet MNS Chief Raj Thackeray in Mumbai.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.