शेतकऱ्यांच्या प्रश्नावरून भाजपाचा विधानसभेत गदारोळ; आंदोलन छेडण्याची तयारी

मुंबई: मंगळवारी अर्थसंकल्पीय अधिवेशनाच्या दुसऱ्या दिवसाच्या कामकाजाला सुरूवात झाली. सलग दुसऱ्या दिवशीही भाजपानं शेतकरी कर्जमाफीवरून सरकारला घेरण्याचा प्रयत्न केला. विधानसभेचे विरोधीपक्ष नेते देवेंद्र फडणवीस यांनी शेतकरी कर्जमाफीच्या जाहीर करण्यात आलेली यादी फसवी असल्याचा गंभीर आरोप केला.

आज विधानसभेच्या कामकाजाला सुरुवात झाल्यावर विरोधी पक्षनेते देवेंद्र फडणवीस यांनी शेतकऱ्यांची कर्जमाफी आणि महिला सुरक्षेचा प्रश्न सभागृहात उपस्थित केला. ”राज्य सरकारने शेतकऱ्यांना कर्जमाफी जाहीर केली आहे. मात्र या कर्जमाफीचा लाभ यावर्षी अवकाळी पाऊस आणि अतिवृष्टीमुळे नुकसान झालेल्या शेतकऱ्यांना लाभ मिळणार नाही. सरकारने जाहीर केलेली ही कर्जमाफी फसवी आहे. संपूर्ण कर्जमाफीची अंमलबजावी कधीपर्यंत होईल, याची तारीख सरकारने सांगावी,” असे फडणवीस म्हणाले.

भारतीय जनता पक्षातर्फे आज महाविकास आघाडी सरकारविरोधात पहिल्यांदाच राज्यव्यापी आंदोलन छेडण्यात आले आहे. भाजपचे कार्यकर्ते रस्त्यावर उतरुन आंदोलन पुकारणार आहेत. आज भाजपकडून राज्यभरातील ४०० ठिकाणी आंदोलन केलं जाणार असल्याची माहिती समोर आली आहे. राज्यातील तहसील कार्यालयांसमोर हे आंदोलन केलं जाणार आहे.

News English Summery: Opposition Leader Devendra Fadnavis raised the issue of farmers’ debt waiver and women’s safety in the House when the assembly began functioning. “The state government has declared a loan waiver to the farmers. However, this loan waiver will not benefit the farmers affected by premature rains and heavy rainfall this year. This debt waiver announced by the government is fraudulent. The government should tell the date of execution of the entire loan waiver, ”Fadnavis said.

Web Title: Story BJP Party criticize government over farmers loan waiver Maharashtra Vidhan Sabha session 2020.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.