युवा संवाद; महाविद्यालयीन निवडणुका पुन्हा व्हाव्यात- शरद पवार

मुंबई : आज मुंबईत राष्ट्रवादीकडून युवा संवाद कार्यक्रमाचे आयोजन करण्यात आले होते. यानिमित्ताने राष्ट्रवादी पक्षाचे अध्यक्ष शरद पवार यांनी तरुण पिढीसोबत संवाद साधला. युवा पिढीसोबत बोलण्याची संधी मिळाली याचा शरद पवार यांनी आनंद व्यक्त केला. तुमची पिढी आणि माझी पिढी यामध्ये किती फरक आहे, हे मला पाहायचे आहे. आता माझे वय ८० झाले आहे. मात्र प्रश्न विचारण्याची क्षमता कमी झाली नाही, असं म्हणत पवारांनी त्यांचा आमदारकीचा अनुभव तरुणांना सांगितला. अत्यंत दिलखुलास पद्धतीने पवारांनी तरुणांच्या प्रश्नांची उत्तरे दिली.

या पन्नास वर्षांच्या काळात अनेक गोष्टी होऊन गेल्या. कधी सत्तेत, कधी विरोधक म्हणून अनेक जबाबदाऱ्या सांभाळण्याची संधी मला मिळाली. या काळात नव्या पिढीशी संवाद साधण्याची संधी मिळाली की अधिक उत्साहाने काम करण्याची भावना तयार व्हायची. pic.twitter.com/hK0sGg03a8

— Sharad Pawar (@PawarSpeaks) February 23, 2020

दरम्यान, महाविद्यालयीन निवडणुका पुन्हा व्हाव्यात असे विधान राष्ट्रवादी काँग्रेसचे अध्यक्ष शरद पवार यांनी केले आहे. मुंबईत झालेल्या कार्यक्रमात उपस्थितांशी संवाद साधताना ते बोलत होते. देशाचं भविष्य ठरवण्याची ताकद तरुणांमध्ये आहे, त्यांना प्रोत्साहन दिलं पाहिजे असेही ते म्हणाले.

माझं वय ८० वर्षांचं तरी विचार करण्याची प्रक्रिया ८० वर्षांपर्यंत गेली नाही. ५२ वर्षांपूर्वी महाराष्ट्र विधानसभेत वयाच्या २६व्या वर्षी प्रथम निवडून आलो. हे सांगायचं कारण केवळ हेच आहे की २६व्या वर्षी देखील आपण विधानसभेत निवडून येऊ शकतो हा पर्याय तुम्हाला कळायला हवा! pic.twitter.com/NReEGBsOH3

— Sharad Pawar (@PawarSpeaks) February 23, 2020

विद्यार्थ्यांना प्रतिनिधी निवडण्याचा अधिकार असला पाहिजे, या निवडणुका घेण्याबाबत सरकारनं पावलं उचलावीत असे आवाहनही त्यांनी सरकारला केले. सुरुवातीला ५ वर्ष अभ्यास करून सदनात गलो मग सत्तेतच संधी मिळाली, त्यानंतर विरोधीपक्ष नेते म्हणून काम करण्याची संधी मिळाली. राजकारणात चढ उतार येत असतात, पराभव झाला तर नाउमेद होऊ नये, पुन्हा जिंकण्यासाठी सज्ज व्हावं असे त्यांनी तरुणांना उद्देशून सांगितले.

“मी २२ फेब्रुवारीलाच पहिली निवडणूक जिंकली होती. पूर्वीच्या कालखंडात यात खूप अभ्यास करावा लागायचा. यानंतर पक्षनेत्याची जबाबदारी अंगावर पडली.” “चढत्या क्रमाने जरी वर गेलात, यशस्वी झालात तरी देखील पाय जमिनीवर हवेत. एकंदर परिस्थिती लक्षात घ्यायची. कधीही ना उमेद व्हायचं नाही,” असा सल्लाही पवारांनी विद्यार्थ्यांना दिला.

राष्ट्रवादी विद्यार्थी काँग्रेस, मुंबईतर्फे युवा संवादाचा आगळा-वेगळा कार्यक्रम झाला. मुंबई विद्यापीठातील विद्यार्थ्यांशी संवाद साधण्याची संधी मला मिळाली याचा मला आनंद आहे. यातून मला जाणून घ्यायचं आहे की तुमची पिढी आणि माझ्या पिढीत किती अंतर वाढलंय? pic.twitter.com/9vCPkTKruB

— Sharad Pawar (@PawarSpeaks) February 23, 2020

News English Summery: A youth interaction program was organized by NCP in Mumbai today. On the occasion, NCP President Sharad Pawar interacted with the younger generation. Sharad Pawar rejoiced that he had the opportunity to speak with the younger generation. I want to see the difference between your generation and my generation. I’m 80 years old now. However, Pawar said that his ability to ask questions has not diminished. Pawar answered the youth’s questions in a very generous way..

Web Title: Story College elections should be start again says NCP President Sharad Pawar.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.