मुख्यमंत्र्यांनी बोलावली सर्वपक्षीय नेत्यांची बैठक; पण राज ठाकरे मास्कशिवाय?

मुंबई, ७ मे : राज्यात कोरोनाचे बुधवारी सर्वाधिक रुग्ण आढळले. गेल्या २४ तासांत राज्यभरात १,२३३ रुग्ण आढळल्याने राज्यातील कोरोनाबाधितांची एकूण संख्या १६,७५८ वर पोहोचली. राज्यात बुधवारी कोरोनामुळे ३४ जणांचा मृत्यू झाला. त्यात मुंबईतील २५ जणांचा समावेश आहे. राज्यातील एकूण कोरोनाबळींची संख्या ६५१ वर पोहोचली आहे. राज्यातील परिस्थितीवर केंद्रानंही चिंता व्यक्त केली असून, करोनाचा प्रसार थोपवण्यासाठी केंद्रीय आरोग्यमंत्री डॉ. हर्ष वर्धन आणि मुख्यमंत्री उद्धव ठाकरे यांच्यात लवकरच बैठक आयोजित केली जाणार आहे.

तत्पूर्वी राज्यातील वाढत्या कोरोना संकटाच्या पार्श्वभूमीवर आज मुख्यमंत्री उद्धव ठाकरेंनी सर्वपक्षीय नेत्यांची बैठक बोलावली आहे. मंत्रालयात ही बैठक होणार असून त्यासाठी विधानसभेतील विरोधी पक्षनेते देवेंद्र फडणवीस , विधान परिषदेतील विरोधी पक्षनेते प्रवीण दरेकर यांच्यासह राज ठाकरे (Raj Thackeray) उपस्थित आहेत. या बैठकीला उपस्थित राहण्यासाठी सगळे नेते मंत्रालयात पोहोचले. त्यावेळी राज ठाकरे (Raj Thackeray) वगळता सर्वच जणांनी मास्क घातले होते. कोरोनाचा वाढता प्रादुर्भाव पाहता मास्क घालणं बंधनकारक आहे. मास्क न घातल्यास १ हजार रुपयांच्या दंडाची तरतूद आहे. त्यामुळे समाज माध्यमांवर उलटसुलट चर्चा सुरु झाली आहे.

परिस्थिती बिकट होतं चालल्याने राज्य सरकारची देखील डोकेदुखी वाढलेली पाहायला मिळते. त्यात जर विरोधकांनी टीकेची धार वाढविल्यास सरकारसमोर मोठं संकट उभं राहण्याची शक्यता आहे. त्यामुळे आगामी काळात कोरोनाच्या रूपाने मोठं आवाहन उभं राहणार असल्याने सरकारने विरोधकांना विश्वासात घेण्याचा निर्णय घेतल्याचं म्हटलं जातं आहे.

News English Summary: The meeting is being held at the Ministry and is being attended by Leader of Opposition in the Legislative Assembly Devendra Fadnavis, Leader of Opposition in the Legislative Council Pravin Darekar and Raj Thackeray. All the leaders reached the ministry to attend the meeting. At that time, everyone except Raj Thackeray was wearing a mask. Wearing a mask is mandatory in view of the increasing prevalence of corona. There is a penalty of Rs 1,000 for not wearing a mask.

News English Title: Story corona virus meet held at Mantralaya MNS Chief Raj Thackeray reaches without face mask News Latest Updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.