नेपाळचे उद्योग व वाणिज्य मंत्री लेखराज भट्टा यांनी राज ठाकरेंची सदिच्छा भेट घेतली

मुंबई: नेपाळचे उद्योग व वाणिज्य मंत्री लेखराज भट्टा यांनी आज कृष्णकुंजवर महाराष्ट्र नवनिर्माण सेनेचे अध्यक्ष राज ठाकरे यांची सदिच्छा भेट घेतली. दरम्यान, या भेटीत इतर कोणत्या विषयांवर चर्चा झाली का याबद्दल कोणतीही माहिती देण्यात आलेली नाही. विशेष म्हणजे सध्या राज ठाकरे यांच्या पक्षाचे राज्य किंवा केंद्रात कोणतंही स्थान किंवा सहभाग नसताना लेखराज भट्टा यांनी राज ठाकरे यांची भेट घेतल्याने आश्चर्य व्यक्त करण्यात येतं आहे.

नेपाळचे उद्योग व वाणिज्य मंत्री श्री.लेखराज भट्टा हे आज कृष्णकुंज ह्या माझ्या निवासस्थानी सदिच्छा भेटीला आले होते. The Industry and Commerce Minister of Nepal, Shri. Lekhraj Bhatta paid a friendly visit to me at my residence today. pic.twitter.com/ODKv7ODK9c

— Raj Thackeray (@RajThackeray) February 22, 2020

स्वतः राज ठाकरे यांनी त्यांच्या ट्विटर हॅण्डलवरून ही माहिती दिली आहे. आज राज ठाकरे नवी मुंबईतील मनसेने आयोजित केलेल्या ‘पश्चिम महाराष्ट्र महोत्सव २०२०’ला देखील हजेरी लावणार आहेत आणि त्या अनुषंगाने नवी मुंबईत देखील त्यांच्या स्वागताची जोरदार तयारी करण्यात आली आहे.

मनसे अध्यक्ष श्री. राजसाहेब ठाकरे आज नवी मुंबईत!

शहराध्यक्ष @GajananKaleMNS आयोजित ‘पश्चिम महाराष्ट्र महोत्सव २०२०’ ला भेट देणार.#मनसेउपक्रम #महाराष्ट्रसैनिक #PaschimMaharashtraMahotsav2020 pic.twitter.com/UkSezEmnJ5

— MNS Adhikrut (@mnsadhikrut) February 22, 2020

औरंगाबाद दौऱ्यानंतर राज ठाकरेंचा पुढील पक्ष विस्ताराचा दौरा कधी होणार ते निश्चित नसलं तरी मनसेने आगामी औरंगाबाद, कल्याण-डोंबिवली आणि नवी मुंबई महानगर पालिकेच्या निवडणुकीची जोरदार तयारी स्थानिक पातळीवर सुरु केल्याचं पाहायला मिळत आहे.

Web Title: Story Nepal industrial minister Lekhraj Bhatta meet MNS Chief Raj Thackeray Mumbai.