VIDEO: सावरकरांचं योगदान कुणालाही नाकारता येणार नाही: उपमुख्यमंत्री अजित पवार

मुंबई: विधिमंडळाच्या अर्थसंकल्पीय अधिवेशनाचा आज तिसरा दिवस आहे. स्वातंत्र्यवीर सावरकरांच्या पुण्यतिथीचं औचित्य साधून भाजपनं आज विधानसभा अध्यक्षांकडं सावरकरांचा गौरवपर प्रस्ताव दिला आहे. महाविकास आघाडी सरकारमधील पक्षांमध्ये सावरकारांविषयी मतभेद आहेत. त्यामुळं गौरवपर प्रस्तावावरून त्यांना कोंडीत पकडण्याची रणनीती भाजपनं आखल्याचं समजतं.

दरम्यान, या पार्श्वभूमीवर विधानसभेच्या कामकाजासाठी जाताना अजित पवार यांनी माध्यमांकडं आपली भूमिका स्पष्ट केली. ‘चांगल्या व्यक्तीच्या संदर्भात एखादी चर्चा येणार असेल तर कुणाला आक्षेप असण्याची हरकत नाही. गेल्या ३० वर्षांत मी अनेकदा अशा चर्चांमध्ये भाग घेतला आहे. सावरकरांचं योगदान कुणालाही नाकारता येणार नाही. हयात नसलेल्या व्यक्तींबद्दल अनावश्यक विधानं करून गैरसमज पसरवण्याचं काही कारण नाही,’ असं अजित पवार म्हणाले.

VIDEO: सावरकरांचं योगदान कुणालाही नाकारता येणार नाही: उपमुख्यमंत्री अजित पवार pic.twitter.com/wBKqxDUqms

— महाराष्ट्रनामा न्यूज (@MahanamaNews) February 26, 2020

स्वातंत्र्यवीर सावरकर यांच्या पुण्यतिथीवरुन शिवसेनेची भूमिका अद्याप स्पष्ट नाही, सत्तेत भागीदारी असलेल्या काँग्रेसची नाराजी शिवसेनेला घ्यायची नाही. काँग्रेसने वीर सावरकरांबद्दल नेहमी अपमानास्पद शब्दांचा वापर केला आहे. शिवसेनेने स्वातंत्र्यवीर सावरकरांना भारतरत्न द्यावा अशी मागणी केली होती. ब्रिटिशांची माफी मागणाऱ्यांना भारतरत्न का द्यायचा असा सवाल काँग्रेसकडून विचारला जातो. त्यामुळे सावरकर मुद्द्यावरुन शिवसेना -काँग्रेस यांच्यात मतभेद आहेत.

महाराष्ट्रात काँग्रेसने छापलेल्या मासिकात सावरकरांचा अपमान केला आहे असा आरोप भाजपाने केला. या मासिकाने सावरकरांचे चारित्र्यहनन करण्याचा प्रयत्न केला आहे. त्यामुळे काँग्रेसने माफी मागावी अशी मागणी अलीकडेच भाजपाने केली होती. मात्र या मुद्द्यावर शिवसेनेनं भाष्य करणं टाळलं.

News English Summery: Meanwhile, Ajit Pawar explained his role in the media while going to the Legislative Assembly. “There is no objection to a discussion about a good person. In the past 30 years, I have participated in such discussions many times. No one can deny Savarkar’s contribution. There is no reason to spread misunderstandings by making unnecessary statements about non-living persons, ‘said Deputy Chief Minister Ajit Pawar.

Web Title: Story no one can deny Veer Savarkars contribution says deputy Chief Minister Ajit Pawar.